Filosof Duqin dünyadakı münaqişələrin arxasında nəyin dayandığını izah edir...

Filosof Aleksandr Duqin hazırkı qlobal münaqişənin təkqütblü və çoxqütblü dünya arasında aparılan “üçüncü dünya müharibəsi”ni təmsil etdiyini bildirib. O, hər iki tərəfin bu münaqişəni öz baxış bucağından “ədalətli” hesab etdiyini iddia edir.

(P.S.Müharibələr xarakterinə görə iki cür olur: Ədalətli və ədalətsiz. Tipinə görə isə üç cür olur: Vətəndaş müharibəsi, Vətən müharibəsi və Dünya müharibəsi).

A.Duqin deyir ki, ədalətli müharibə anlayışı qədim dövrlərdən bəri mövcud olmuşdur. Siseron müharibəni təcavüzdən müdafiə və ədalətin bərpası üçün icazəli hesab edirdi. Avqustin sülh və asayişin qorunması naminə silahlı münaqişəyə icazə verirdi...Foma Akvinski şərtlər əlavə etdi: müharibə yalnız qanuni hakimiyyət tərəfindən elan edilə bilər, səbəb ədalətli olmalı və niyyətlər etik olmalıdır.

Filosof qeyd edir ki, “ədalətli müharibə” ideyasının özü nisbidir. Qaydaları hakimiyyətə sahib olanlar müəyyən edir, buna görə də bu konsepsiya çox vaxt dominant tərəfin maraqlarını doğrultmağa xidmət edir.

Duqinə görə, bugünkü müharibə iki sistemin toqquşmasıdır. Təkqütblü dünya ABŞ, İsrail, Avropa Birliyi, Böyük Britaniya və qlobalistlər tərəfindən təmsil olunur. Onların məqsədi qlobal dominantlığı qorumaqdır. Çoxqütblü düşərgəyə Rusiya, Çin, İran və Şimali Koreya daxildir. Bu ölkələr öz suverenliklərini

(P.S. Suverenlik: Klassik konsepsiyanın təkamülü:

Suverenlik dövlətin ərazisi və əhalisi üzərində ali hakimiyyəti, qərar qəbuletmədə və xarici siyasətdə müstəqilliyidir. Sadə dillə desək, suverenlik nədir? Sadə dillə desək, suverenliyi öz evinin sahibinin mövqeyi ilə müqayisə etmək olar: qaydaları müəyyən etmək, məkanı idarə etmək və içəri kimin daxil olmasına icazə veriləcəyinə qərar vermək hüququ yalnız insana məxsusdur.

Suverenlik haqqında rus dilində oxumaq istəyənlər linkə daxil ola bilərlər:

https://vfokuse.mail.ru/articles/11254-suverenitet/?utm_partner_id=992#card-84601) və müstəqil inkişaf hüquqlarını müdafiə edirlər.

Duqin vurğulayır ki, Qərb üçün müharibə, hegemonluğun müdafiəsi kimi qanunidir. Rusiya və müttəfiqləri üçün isə bu, təcavüzə və təkqütblü nizam yaratmaq cəhdinə cavab kimi haqlıdır. O, Ukrayna münaqişəsini və Yaxın Şərqdəki vəziyyəti bu qlobal mübarizənin cəbhələri kimi təsvir edir.

Filosof hesab edir ki, çoxqütblü dövlətlər əvvəlcə birbaşa münaqişədən qaçmağa çalışıblar, lakin hadisələr onları cavab verməyə məcbur edib. İndi əsas vəzifə qələbə üçün qlobal strategiya hazırlamaqdır. Heç bir düşərgənin üzvü olmayan ölkələr öz mövqelərini müəyyənləşdirməli olacaqlar, əks halda onlar üçün qərarı digər oyunçular verəcəklər.

Duqin ədalət haqqında mücərrəd müzakirələrə deyil, bu qarşıdurmada uğur qazanmaq üçün praktik addımlara diqqət yetirməyə çağırır.

Mənbə:

https://vfokuse.mail.ru/articles/69612862-filosof-dugin-obyasnil-chto-skryivaetsya-za-konfliktami-po-vsemu-miru/

Şəkil: AI-ya məxsusdur

Rus dilindən tərcümə:

Əsədov Seyyub Əsəd oğlu-Şirvan şəhər T. Bağırov adına 11 №-li tam orta ümumtəhsil məktəbinin  tarix müəllimi, “Ən yaxşı müəllim” müsabiqəsinin (2015-ci il), “Elektron Təhsil” Respublika Müsabiqəsi, “Təhsildə ən yaxşı İnternet resursları” nominasiyası qalibi (2017-ci il), Respublika “Pedaqoji Mühazirələr”inin (2003-cü il III dərəcəli Diplom və 2019-cu il Tərifnamə) təltifçisi, Təhsildə inkişaf və innovasiyalar üzrə IV qrant müsabiqəsinin (2020) qalibi (“V-XI siniflərdə tarix fənninin tədrisi metodikası” adlı metodik vəsait müəllifi).

https://multiurok.ru/files/filosof-duqin-dunyadaki-munaqis-l-rin-arxasinda-n.html