28 MART -BEYNƏLXALQ TARİXÇİLƏR GÜNÜDÜR

“Hadisələr haqqında bilərəkdən susan tarixçi, olmayan hadisələri uyduran adamdan daha çox yalançıdır”.

Ammian Marselin (330-400-cü il) Res gestae XXIX 1, səh. 15.

Tarixin himayədarı qədim yunan ilahəsi Klio - doqquz  olimpiya muzlarından biri hesab edilir. Klionun anası yaddaş ilahəsi Mnemozina sayılır. O, həyat təcrübəsinin təcəssümü hesab olunurdu. Əfsanəyə görə o, “hər şey var idi, hər şey var və hər şey olacaq”ı bilirmiş. Tarix və yaddaş ayrılmaz şəkildə biri-birilə bağlıdır.

Əslində işə bu peşə sahibləri olmasaydı bəşəriyyət çətin ki, keçmiş haqqında nə isə öyrənə bilərdi. Müasir dövrdə Herodotun davamçılarını bəzən qınayırlar...

Axı tarix Şumerdən başlayır... Bu gün - 28 mart bütün dünyada tarixçi günü kimi qeyd edilir. Fəaliyyətləri bu və ya digər şəkildə tarix kimi bir elmin öyrənilməsi ilə əlaqəli olan bütün mütəxəssislər bu gün təbrik edilirlər.

Tarixçi peşəsi əcdadlarımızın həyatı haqqında məlumat əldə etməyimizə, təcrübələrini öyrənməyimizə və səhvlərimizi təkrarlamamağımıza imkan verən bir işdir. Kiçik tövsiyyə:

-əldə edilən biliklərə görə müəllimlərinizə minnətdar olun;

- arxeoloqları yaddan çıxarmayın;

-bölgənizin tarixi ilə, tarixi abidələrlə maraqlanın;

-keçmişdəki real hadisələrə əsaslanan bədii və ya sənədli filmlərə baxın;

-çalışın səyahət edin və müxtəlif ölkələrdə olun.

Beynəlxalq Tarixçi Günü - ömrünü elm və təhsillə həsr edənlərə minnətdarlıq sözlərinin ünvanlandığı beynəlxalq bir bayramdır.

İnsanların keçmişlərinin dəyərini anlamaları və mənşəyinə müraciət etməyin vacibliyini xatırlaması üçün 28 Mart Ümumdünya Tarixçilər Günü kimi qeyd olunur.

Bayramınız mübarək tarixçilər!