Tarixdə bu gün: Roma imperiyasının Şərq və Qərb imperiyalara bölünməsi

Qədim Roma tarixinin ən mühüm dövrlərindən biri olan Roma imperiyası dövrü eradan əvvəl 27-ci ildə başlamışdır. Bu, həyatın müxtəlif sahələrində ən böyük genişlənmə və çiçəklənmə dövrü idi. Lakin 375-ci ildə Hunlar Avropaya  yürüşü ilə “Xalqların böyük köçü” nün başlanğıcını qoydular.

Axrıncı dəfə hər iki imperiyanın idarəsini az müddətdə Fedosi (379-395) birləşdirə bildi.  Roma imperiyası mövcud şəraitdə artıq vahid bir qurum kimi mövcud ola bilmədi. 395-ci ildə onun ölümündən sonra 17 yanvar 395-ci ildə Qərbi Roma imperiyası (paytaxt: Roma şəhəri) və Şərqi Roma imperiyasına (paytaxt: Kostantinopol - İstanbul şəhəri) parçalanaraq Fedosinin  iki oğlu arasında bölüşdürüldü. 476-cı ildə Qərbi Roma imperiyasına sonuncu zərbə vuruldu. Qotların başçısı Odoakr Roma şəhərinə hücum etdi. Sonuncu Qərbi Roma imperatoru Romul taxtdan salındı. 476-cı ildə baş verən Qərbi Roma imperiyasının süqutu bütövlükdə  Roma imperiyasının və Qədim Dünya tarixinin sonu hesab olunur.

Şərqi Roma imperiyası isə 395-ci ildən 1453-cü ilədək öz mövcudluğunu saxladı və Bizans imperiyası kimi tanındı.