Şirvan şəhərində “Rəqəmsal dövrün uşaqları: telefon, internet və sosial şəbəkə asılılığını azaltmaq” mövzusunda valideyn konfransı keçirilib

Şirvan şəhəri 11 nömrəli tam orta ümumtəhsil məktəbində keçirilən konfransda Şirvan-Salyan Regional Təhsil İdarəsinin Tədrisin keyfiyyəti sektorunun müdiri Mahir Zahidov, Şirvan şəhəri üzrə təhsil sektorunun müdiri Varis Qasımlı və rayonun ümumtəhsil məktəblərinin valideyn komitə sədrləri, valideynlər və təhsil müəssisələrinin rəhbərləri, psixoloqlar iştirak ediblər.

Konfransda bütün ümumtəhsil müəssisələrində tətbiq olunan şagird davranış qaydalarından, rəqəmsal dövrün uşaqlarından, onların telefondan asılılığını azaltmaq üçün valideyn məsuliyyətinin artırılmasının vacib olduğu xüsusi vurğulanıb. Həmçinin valideynlərə övladlarının internet və sosial şəbəkə aslılığını minimuma endirməklə, bu aslılığı aradan qaldırmağın vacib olduğu, məktəblə əməkdaşlığın daha sıx aparılmasının vacibliyi konfrans iştirakçılarının nəzərinə çatdırılaraq, valideyn-məktəb əməkdaşlığının şagirdlərin təlim-tərbiyəsinin daha da inkişaf etməsinə xidmət edən amillərdən olduğu bildirilib.

Gələcəkdə bu kimi konfransların mütəmadi olaraq keçirilməsinin nəzərdə tutulduğu, valideynlərlə birgə fəaliyyətin genişləndirilməsi, açıq dialoqun qurulması və sağlam  əməkdaşlığın möhkəmləndirilməsi baxımından faydalı və əhəmiyyətli olacağı konfrans iştirakçılarının nəzərinə çatdırılıb.

Valideyn konfranslarının əsas məqsədi məktəb ilə ailə arasında əməkdaşlığı gücləndirməklə şagirdlərin hərtərəfli inkişafını təmin etmək, həmçinin valideyn iştirakını sistemli şəkildə təşviq etməkdir.

Şirvan şəhərində keçirilən konfransla Şirvan-Salyan RTİ üzrə ilk regional konfrans fəaliyyətini başa çatdırıb. Valideynlər arasında keçirilmiş sorğuların nəticəsi təhlil olunduqdan sonra davamlı olaraq aktual mövzularla bağlı valideyn konfranslarının davamlı şəkildə keçirilməsi nəzərdə tutulub.

#ŞirvanSalyanRTİ #ValideynKonfransı

Mənbə:https://www.facebook.com/ShirvanSalyanregionaltehsilidaresi