Bu gün Tarif (qiymət) Şurasının növbəti iclası keçirilib. Musavat.com xəbər verir ki, iclasda ictimai nəqliyyatda sərnişindaşıma xidmətləri üzrə yeni tariflər təsdiq edilib. Qərara əsasən avtobus və metro sərnişindaşımalarının qiyməti 50 qəpik müəyyən edilib. “Rəqəmsal inkişaf və nəqliyyat sahəsində tariflərin və xidmət haqlarının tənzimlənməsinin təkmilləşdirilməsi ilə əlaqədar Azərbaycan Respublikası Prezidentinin bəzi fərmanlarında dəyişiklik edilməsi haqqında” Azərbaycan Respublikası Prezidentinin 2023-cü il 2 sentyabr tarixli 2315 nömrəli Fərmanının icrasının təmin edilməsi barədə” Azərbaycan Respublikası Nazirlər Kabinetinin 2023-cü il 12 sentyabr tarixli 767s nömrəli Sərəncamının 3-cü hissəsinin icrasını təmin etmək məqsədilə Azərbaycan Respublikası Prezidentinin 2018-ci il 12 yanvar tarixli 1785 nömrəli Fərmanı ilə təsdiq edilmiş “Azərbaycan Respublikasının Rəqəmsal İnkişaf və Nəqliyyat Nazirliyi haqqında Əsasnamə”nin 3.0.7-ci yarımbəndini və 5.11-ci bəndini rəhbər tutaraq, Azərbaycan Respublikasının Rəqəmsal İnkişaf və Nəqliyyat Nazirliyinin Kollegiyası qərara alır:
1. Müntəzəm şəhərdaxili
(rayondaxili) avtobus marşrutlarında sərnişindaşıma xidmətlərinin tariflərinin
yuxarı həddi təsdiq edilsin (əlavə olunur). Metro nəqliyyatında sərnişindaşıma
xidmətinin tarifi bir gediş üzrə 50 qəpik müəyyən edilib.
2. Hüquq şöbəsi bu Qərarın qəbul
edildiyi gündən üç gün müddətində Azərbaycan Respublikasının Hüquqi Aktların
Dövlət Reyestrinə daxil edilməsi üçün Azərbaycan Respublikasının ƏdliyyəNazirliyinə təqdim olunmasını təmin etsin.
3. Bu Qərar Azərbaycan
Respublikasının Hüquqi Aktların Dövlət Reyestrinin elektron variantında dərc
edildiyi gündən qüvvəyə minir.
Mənbə:
UNESCO Beynəlxalq Mərkəzinin nəzdində fəaliyyət göstərən Beynəlxalq Ədəbiyyat və Jurnalistika Akademiyası (МАЛiЖ) 