Yanuş Korçakın valideynlər üçün 10 tövsiyyəsi

 

1. Uşağınızın sizin kimi və ya istədiyiniz kimi olmasını gözləməyin. Ona sən deyil, özü olmağa kömək edin.

2. Uşağınız üçün etdiyiniz hər şeyə görə ondan nə isə tələb etməyin. Sən ona həyat vermisən, o sənə necə təşəkkür etsin? O da digərinə həyat verəcək. Bu Yaradana şükür etməyin dönməz qanunudur.

3. Övladınıza olan gileyinizi üzünə vurmayın ki, qocalıqda acı çörək yeməyəsiniz. Çünki nə əksən, onu da biçərsən.

4. Uşaqlarınızın problemlərinə yuxarıdan aşağı baxmayın. Həyat hər kəsə gücünə görə verilir və arxayın olun ki, onun üçün səndən heç də az çətin deyil, axı onun təcrübəsi yoxdur.

5. Kimsəni alçaltmayın!

6. Unutmayın ki, bir insanın ən vacib görüşü övladları ilə görüşləridir. Onlara daha çox diqqət yetirin - gələcəkdə bu uşağın kim olacağını heç vaxt bilə bilmərik.

7. Uşağınız üçün bir şey edə bilmirsinizsə, özünüzü üzməyin. Unutmayın, uşaq üçün kifayət qədər iş görməmişsinizsə də, azca da olsa zəhmətiniz vardır.

8. Uşaq bütün həyatınızı öz üzərinə götürən tiran və ya ət və qan parçası deyil. Uşaq Yaradanın sizə yaradıcı atəşi saxlamaq və inkişaf etdirmək üçün verdiyi qiymətli bir incidir. Bu, “bizim” və ya “onların”  övladı deyil, qorunmaq üçün verilən bir ruh - böyüyəcək ana və atanın azad sevgisidir.

9. Başqasının uşağını sevməyi də öyrənin. Öz uşağına edilməsini istəmədiyini heç vaxt başqa uşaqlara etməyin.

10. Uşağınızı - istər istedadlı, istər istedadsız, şanslı və ya şanssız, balaca və ya yetkin olsun -sevin. Onlarla ünsiyyət qurarkən sevinin, çünki uşaqların sizinlə olması həmişə bir bayramdır.  

İstifadə edilmiş resurslar:

1. Böyükağa Mikayıllı. Yanuş Korçak. “Dahi pedaqoqlar” silsiləsindən. Bakı-2020

2.https://bit.ly/45Vgw9t

Hazırladı: Əsədov Seyyub Əsəd oğlu-

 Şirvan şəhər T. Bağırov adına 11 №-li tam orta məktəbin tarix müəllimi, “Ən yaxşı müəllim” müsabiqəsinin (2015-ci il), “Elektron Təhsil” Respublika Müsabiqəsi, “Təhsildə ən yaxşı İnternet resursları” nominasiyası qalibi (2017-ci il), Respublika “Pedaqoji Mühazirələr”inin (2003-cü il III dərəcəli Diplom və 2019-cu il Tərifnamə) təltifçisi, Təhsildə inkişaf və innovasiyalar üzrə IV qrant müsabiqəsinin (2020) qalibi (“V-XI siniflərdə tarix fənninin tədrisi metodikası” adlı metodik vəsait müəllifi).