Lemuriya (Kumari Kandam)

 

Pandya padşahları Lemuriya qitəsi su altında batmazdan əvvəl demək olar ki, 10.000 il ərzində onu idarə etmişlər. Daha çox”Kumari Kandam” kimi tanınan bu qitə Hind və Sakit okeanları arasında yerləşirdi və Afrikanı Madaqaskar vasitəsilə Cənubi Hindistana birləşdirdi. Bu gün əfsanəvi itirilmiş torpaq haqqında etibarlı məlumat olmasa da, tamil və sanskrit ədəbiyyatındakı bəzi istinadlar bir zamanlar çox-çox əsr əvvəl mövcud olmuş bu heyrətamiz dünyanın mövcudluğunu təsdiqləyə bilər. Cənubi Hindistanda müasir Kanyakumari bölgəsinin cənubunda, Hind okeanında dəniz dibində aparılan işlər bu inamı daha da gücləndirir. Bu, bəlkə də o dövrlərin ən kədərli hekayəsidir. Həqiqətən, qitəni su basması ilə bir vaxtlar çox çiçəklənən Pumpuxarda ticarət şəhəri olan Kumari Kandam, Çola padşahlığının paytaxtı və Mahabalipuram şəhərinin yeddi nəhəng məbədindən altısı tamamilə su altında qalmış və hələ də qalır. Cafna Universitetinin (Şri-Lanka) görkəmli professorlarından biri, tamil dili kafedrasının müdiri doktor A. Şanmuqatas öz qənaətlərində Kumari Kandamın məhv olmasını təsdiqləyir. Deyirlər ki, o günlərdə çox böyük fəlakət baş verib. Çoxları bunun qitəni məhv edən və su basan meqa- sunami olduğuna inanmağa meyllidirlər. Yaşının 2000 ildən çox olduğu deyilən tamil ədəbiyyatında belə təbii fəlakətlərdən bəhs edilir. Belə sunamilər vaxtaşırı həmin yerlərdə baş vermiş və o dövrün tamildilli dünyasını məhv etmişdir. Dünyanın hər yerindən müasir görkəmli alimlər də Lemuriya haqqında danışırlar. Bergen Universitetinin (Norveç) geomaqnitizm kafedrasının rəhbəri və qlobal rift nəzəriyyəsinin (GWT) müəllifi professor Qarsten M. Storetvedt deyir ki, ekvator bölgələri həmişə zəlzələlər və vulkanlar kimi təbii fəlakətlərə və püskürmələrə ən çox həssas olan bölgələr olub. Bunun səbəblərindən biri də planetin fırlanması və xüsusən də qütblər və ekvator arasındakı fırlanma sürətindəki fərq Yer mantiyasının stressin ən çox olduğu yerdə, yəni ekvatorda daha asan deformasiyasına və parçalanmasına səbəb olmasıdır. Bu tektonik proseslər Lemuriya (Kumari Kandam) kimi tanınan qədim qitənin yoxa çıxmasında mühüm rol oynamışdır. Şri-Lanka, həmçinin Hindistan, İndoneziya və Malayziya bu qitənin bir hissəsi olmuşdur. Bundan əlavə, Sakit və Hind okeanlarındakı bir çox adalar qədim zamanlarda müasir okeanın bütün ərazisini əhatə edən bu qitənin qalıqlarıdır. Qitələrin sürüşməsi və plitə tektonikası nəzəriyyələrini rədd edən Storetvedt deyir ki, ilkin ədəbiyyatda yerin qəfildən su altında batdığı kataklizm hadisələrinin təsviri məntiqlidir. Amma onlar elmi fakt kimi sübuta yetirilməlidir. Bunu dənizin diblərini analizi yolu ilə etmək lazımdır ki, bunu etmək isə mümkündür. Axı bir çox müasir nəzəriyyələr həm qədim ədəbiyyatda, həm də dil tarixində öz təsdiqini tapır. Bəs Kumari Kandamın hekayəsində nə qədər həqiqət var? Hindistanın Milli Okeanoqrafiya İnstitutunun tədqiqatçılarının fikrincə, dəniz səviyyəsi təxminən 14,500 il əvvəl 100 metr, təxminən 10,000 il əvvəl isə 60 metr aşağıda olmuşdur. Buna görə də, çox güman ki, vaxtilə Şri-Lanka adasını materik Hindistanla birləşdirən quru körpüsü (Adəmin körpüsü adlanır) mövcud olub. 12.000 il - 10.000 il əvvəl qlobal istiləşmənin sürəti artmış və dəniz səviyyəsinin yüksəlməsi dövri daşqınlara səbəb olmuşdur. Bu, Hindistan və Şri-Lankanın alçaq sahil bölgələri ətrafında yerləşən tarixdən əvvəlki yaşayış məntəqələrinin su basmasına səbəb olmuşdur. Bu fəlakətli hadisələrin hekayələri nəsildən-nəslə şifahi şəkildə ötürülmüş və nəticədə Kumari Kandamın hekayəsi kimi qeydə alınmış ola bilər. Kumari Kandamın adını başqa mənbələrdə də tapa bilərik. Eranın  II əsrində yazılmış tamil ədəbiyyatının beş böyük dastanından biri olan Şilappadikaramda deyilir ki, bir hissəsi Paxruli çayları ilə Kumarinin dağlıq sahilləri arasında yerləşən Pandya torpağını qəddar dəniz ələ keçirdi (Kumari Kandamın batmış ərazisində yerləşən mifik qədim çaylarlardan söhbət gedir). Eranın XII əsr  eposunun şərhçisi Adıyarkkunallar bunu belə izah edir ki, müasir Kanyakumarinin cənubunda bir vaxtlar şimalda Paxruli çayından cənubda Kumari çayına qədər 700 kavat ərazi var idi. Tamil dilində katham kimi tanınan kavathamın müasir ekvivalent ölçüsü 10,06 km məsafədir. Deməli, 700 kavat 7041 kilometrə bərabərdir.

Çin və Yunan ədəbiyyatında Kumari Kandamın (Lemuriya) haqqında qeydlər

Bəzi qədim Çin salnamələrində Kumari, Peru və Paxruli çaylarının qaynaqlandığı yerdən (tamil ədəbiyyatına görə) Paxruli çayı, Peru çayı və Meru dağına (49 zirvəsi ilə) istinadlar var. Deyilənə görə, çinli fəhlələri Pandya padşanı işə götürüb və onlar mədənlərə düşəndə ​​kənardan kiçik qarışqaların böyük ordusuna bənzəyirdilər. Buna görə də onları “pontondi erumbukal” (qızıl mədən qarışqaları) adlandırırdılar. Bunu qədim Çin salnamələri də təsdiqləyir. Yunan etnoqrafı və Ellinizm dövrünün kəşfiyyatçısı Meqasfen (e.ə. 350-290-cı illər) Hindistana səyahətləri haqqında “Hindika” əsərini yazmışdır. Bu əsərində o deyir ki, Taprobane (Şri-Lankanın köhnə adı) materikdən (Hindistan yarımadası) çayla ayrılıb, bu o deməkdir ki, Meqasfen dövründə Şri Lanka Hindustan yarımadasına kiçik bir torpaqla bağlana bilərdi. onların arasında və sonralar Tamirabarani çayı bölündü. Tamil Naduda indiki Thamirabarani çayı dənizə axır. Bu onu göstərir ki, o, Şri Lankaya Meqasfen dövründə Hindistan yarımadası ilə Şri Lanka arasında mövcud olan su altında qalan quru kütləsi vasitəsilə çatmışdır.

Kumari Kandamın varlığını təsdiqləyən arxeoloji sübutlar

-Pumpuxarda (Tamil Nadu) Milli Dəniz Arxeologiyası İnstitutu (Qoa) tərəfindən aparılan dəniz arxeoloji tədqiqatlarının tapıntıları göstərir ki, şəhərin çox hissəsi eradan əvvəl 300-cü illərdə mütərəqqi eroziya və sunami nəticəsində yuyulub.

-Eradan əvvəl IV əsrə aid qədim saxsı qablar dəniz arxeoloqları tərəfindən bu şəhərin şərq sahilində aşkar edilmişdir. Bu sunaminin vaxtı həm də Meqasfenin Hindustan yarımadası ilə Şri Lanka arasında mövcud olduğunu iddia etdiyi torpaqların su altında qaldığı vaxta (Meqasfenin Hindistana səfərindən sonra) üst-üstə düşür.

-Geoloji tədqiqat göstərdi ki, Kumari Kandamın mövcud olduğu deyilən ərazidə dənizin maksimal dərinliyi 200 metrdir. Digər yerlərdə isə dənizin maksimal dərinliyi 2000 metrə çatır. Bu ərazilərdə dənizin dərinliyi dayaz olduğu üçün insanların yaşadığı su altında qalan torpaqların mövcudluğunu təsdiqləmək şansı daha çoxdur.

-Avstraliya qəbilələrinin, Afrika tayfalarının, Andaman və Nikobar qəbilələrinin və Lakshadweep qəbilələrinin danışdıqları dillər tamil dili ilə eynidir. Yəni bir vaxtlar Hindistan, Avstraliya və Madaqaskar arasında ümumi torpaq olduğunu güman etmək məntiqlidir.

-Afrika və Madaqaskardakı bitki, ağac və heyvan növləri hindlilərlə eynidir. Bu o deməkdir ki, Hindistan və Madaqaskar da vahid bir bütöv idi.

​Bu gün biz artıq böyük əminliklə deyə bilərik ki, itirilmiş materik Lemuriya və ya Kumari Kandam 1000 il əvvəl Hind okeanında batmış və onunla birlikdə ən çiçəklənən və nəhəng tamil sivilizasiyası da yox olmuşdur.

Mənbə: https://bit.ly/3SZyq8a