Regionlarda ictimaiyyətlə əlaqələrə məsul şəxslər üçün təlim keçirilib

 

İyunun 24-də Təhsil Nazirliyinin təşkilatçılığı ilə Regional təhsil idarələrinin ictimaiyyətlə əlaqələrə məsul şəxsləri üçün onlayn təlim keçirilib. Təlimdə Təhsil Nazirliyinin İctimaiyyətlə əlaqələr sektorunun əməkdaşları, Regional təhsil idarələrinin PR işi üzrə məsul nümayəndələri iştirak edib. Təlimi giriş nitqi ilə açan Təhsil Nazirliyinin İctimaiyyətlə əlaqələr sektorunun müdiri Cəsarət Valehov ictimaiyyətin dolğun şəkildə məlumatlandırılması işinin düzgün təşkili məsələsinə toxunub, mövcud işdəki problemləri diqqətə çatdırıb. Daha sonra təlimçilər tərəfindən sosial şəbəkədə kontent idarəetmə, “Fake news”la mübarizə və böhran vəziyyətlərində sosial medianın əhəmiyyəti, sosial şəbəkələrdə ünsiyyətin düzgün qurulması, izləyici auditoriyanın idarəedilməsi və digər oxşar məzmunlu mövzularda təqdimatlar edilib, tövsiyələr verilib. Təlimdə iştirak edən İctimaiyyətlə əlaqələr sektorunun digər əməkdaşları da mövzu istiqamətində fikir və təcrübələrini bölüşüb, təlimin faydalılığına toxunublar. Sonra təlim iştirakçılarını maraqlandıran çoxsaylı suallar cavablandırılıb. Qeyd edək ki, təlimin təşkilində məqsəd regionlarda ictimaiyyətlə əlaqələrə dair  iş keyfiyyətinin artırılması, ictimaiyyətlə əlaqələr üzrə məsul şəxslərin peşə bacarıqlarının inkişaf etdirilməsindən ibarətdir.

Mənbə:

https://edu.gov.az/az/news-and-updates/18579-1

https://www.facebook.com/ShirvanSalyanregionaltehsilidaresi/photos/a.114486694583067/137012168997186

P.S.

İyunun 24-də Təhsil Nazirliyinin təşkilatçılığı ilə Regional təhsil idarələrinin ictimaiyyətlə əlaqələrə məsul şəxsləri üçün onlayn təlim keçirilib.

#TəhsilNazirliyi #EduAz #RTİ #Təlim

Sual:  ...ictimaiyyətlə əlaqələrə məsul şəxsləri ictimaiyyətə təqdim edəcəklərmi?