Mənəviyyatca güclü insanlar nəyi edər, nəyi etməzlər!

 Bizim fikirlərimiz hərəkət, hərəkətlərimiz vərdişlər, vərdişlərimiz isə xarakter yaradır. Beləliklə, əslində biz özümüz - özümüzü yaradırıq...

Bu 13 əməli  mənəviyyatı güclü olan insanlar etməzlər:

1. Onların  vaxt itirmək üçün özlərinə yazığı gəlmir: Mənəvi güclü olan insanlar əllərini əl üstünə qoyub heç vaxt boş danaymırlar. Onlar üzərilərinə həyatda yaşadıqlarına görə məsuliyyət götürərək, dərk edirlər ki, həyat heç də həmişə asan və ədalətli deyil.

2. Onlar öz üzərlərində nəzarəti itirmirlər: Onlar başqalarının öz üzərilərində nəzarət etməsinə imkan verməzlər. Onlar dərk edirlər ki, hər hansı vəziyyətdə çıxış yolu öz əllərindədir. Yəni - reaksiyaların idarə edilməsi öz əllərindədir.

3. Onlar dəyişikliklərdən qaçmırlar: Mənəvi güclü insanlar dəyişikliklərdən qorxmurlar. Əksinə, belə işləri sevir və həmişə müvafiq cavab verməyə hazırdırlar. Onların ən çox sevmədikləri - durğunluqdur ki, bu da həyat eşqinin sönməsinə aparıb çıxarır. Onlar başa düşürlər ki, dəyişikliklər arxasında insanın gözəl xüsusiyyətləri gizlənir.

4. Onlar idarə edə bilmədiklərinə enerji sərf etməzlər: Siz mənəvi güclü insandan - bunu itirdim, onu itirdim, tıxacda qaldım ...və s. və il. kimi sözlər eşidə bilməzsiniz. Onlar hər bir şeyə məharətlə  nəzarət etmək gücündədirlər.

5. Onlar hamının xoşuna gəlməyə çalışmırlar: Həmişə elə insanlar tapılır ki, hamının xoşuna gəlməyə çalışırlar. Elələri də vardır ki, əksinə gedərək hamıya öz “güc” ünü göstərməyə çalışır. Bunların heç biri qəbul edilən deyil. Mənəvi güclü insan dərk edir ki, hamının və həmişə xoşuna gəlmək olmaz. Onlar lazım gələrsə           “Yox”, “ Etiraz edirəm “ deməkdən çəkinmirlər. Onlar ədalətli olmağa çalışırlar, eləcə də vaxtında və nəzakətlə dostluqdan imtina etməyi bacarırlar.

6. Onlar hesablanmış risk etməkdən qorxmurlar: Onlar tələsik və axmaq risklər etmirlər, amma öz üzərilərinə düşünülmüş və hesablanmış risk götürməkdən də çəkinmirlər. Mənəvi güclü insanlar hərəkətə keçməzdən əvvəl hər şeyi necə deyərlər- “Yüz olçüb, bir biçirlər” ...

7. Onlar keçmişdən yapışmırlar: Mənəvi güclü insanlar hər şey başqa cür ola bilərdi deyə boş yerə vaxt sərf etmirlər. Onlar öz keçmişlərindən dərs alırlar. Onlar keçmiş bədbəxt və xoşbəxt günləri keçmişdə buraxaraq bu günlə yaşayır və gələcək planlar hazırlayırlar.

8. Onlar eyni səhvləri təkrarlamırlar: Biz hamımız bilirik axmaqlıq nədir elə deyilmi? Axmaqlıq odur ki, hər dəfə eyni hərəkəti edərək, gələn dəfə yaxşı olacaq deyə yenə edirsən. Mənəvi güclü insanlar öz səhvlərindən öyrənirlər. Nəticədə onlar eyni səhvi heç vaxt təkrar etmirlər. Onlar daha irəli gedərək, gələcəkdə daha yaxşı qərarlar qəbul etməyə yüklənirlər.

9. Onlar başqalarının uğuruna həsəd aparmırlar: Mənəvi güclü insanlar başqalarının uğuruna sevinir və onu qiymətləndirilər. Bu, çox vacibdir. Əgər kimsə onlardan irəli getmişsə (sözün həqiqi mənasında) onlardan öyrənməyə çalışarlar. Onlar dərk edirlər ki, müvəffəqiyyət ağır zəhmət tələb edir və onlar bu yolda hər bir əziyyətə hazırdırlar.

10. Onlar ilk uğursuzluqdan təslim olmazlar: Hər məğlubiyyət - qələbəyə bir şansdır. Mənəvi güclü insanlar öz məqsədlərinə çatmayana qədər ruhdan düşməz və uğursuzluqlardan çəkinməzlər.

11. Onlar təklikdən qorxmurlar: Mənəvi güclü insanlar nəinki təklikdən qorxmur, əksinə onlar təbiətin qoynunda təklikdə olmağı sevirlər. Onlar təklikdə öz fikirləri ilə qalmağı  sevirlər. Yeni ideya və planlar hazırlayırlar bu zaman. Digərlərinin onların yanlarında olması da onlara mane olmur.

12.Dünya onlara borcludur deyə düşünmürlər: Mənəvi güclü insanlar bu həyatda hər şey hüquqi gücə malikdir...deyə fikirləşmirlər. Onlar sadəcə qanunlara hörmət edirlər. Onlar həyat mənə borcludur deyə fikirləşmirlər. Əksinə onlar imkan daxilində bəşəriyyətə, insanlığa kömək etməyə çalışırlar.

13. Onlar ani nəticələr gözləmirlər: Mənəvi güclü insanlar öz enerji və vaxtlarını müəyyən çərçivədə sərfiyyat etsələr də, gördükləri hər bir yaxşı əmələ görə sevinərlər. Onlarda “dözümlülük hədiyyəsi“ vardır və başa düşürlər ki, hər bir dəyişiklik vaxt, zaman  tələb edir. …

--------------------------------------------------------------------------------------------

Əsədov Seyyub Əsəd oğlu - Şirvan şəhər T. Bağırov adına 11 №-li tam orta məktəbin tarix müəllimi, “Ən yaxşı müəllim” müsabiqəsinin (2015-ci il), “Elektron Təhsil” Respublika Müsabiqəsi, “Təhsildə ən yaxşı İnternet resursları” nominasiyası qalibi (2017-ci il), Respublika “Pedaqoji Mühazirələr”inin (2003-cü il III dərəcəli Diplom və 2019-cu il Tərifnamə) təltifçisi, Təhsildə inkişaf və innovasiyalar üzrə IV qrant müsabiqəsinin (2020) qalibi (“V-XI siniflərdə tarix fənninin tədrisi metodikası” adlı metodik vəsait müəllifi), Azərbaycan Respublikası “Təhsil Şurası” İB-nin İdarə Heyətinin üzvü