RESPUBLİKA TƏHSİL ŞURASINDA

 

RESPUBLİKA TƏHSİL ŞURASINDA

Bu gün Siyəzən rayonunda Respublika Təhsil Şurası İctimai Birliyinin filialı yaradılıb. Filialın təsis toplantısında Respublika Təhsil Şurası İB-nin sədri Samir Mehdizadə, sədr müavini Cəfər Bağırov, Şuranın katibi Böyükağa Mikayıllı, eləcə də Siyəzən rayon təhsil şöbəsinin müdiri Pərvin Ağasıyev, Siyəzən rayon təhsil şöbəsi metodkabinetinin müdiri Xalidşah Qədəşov, Respublika Təhsil Şurasının Siyəzən rayonundan olan üzvləri, üzvlüyə yeni qəbul ediləcək müəllimlər, təhsil işçiləri iştirak ediblər. Toplantıda çıxış edənlər Təhsil Şurasının yaradılması tarixindən, missiyasından, gələcək fəaliyyətindən, həmçinin filialda görüləcək işlərdən bəhs ediblər. Cəfər Cabbarlı adına şəhər 1 nömrəli tam orta məktəbin direktoru, respublikanın əməkdar müəllimi, Təhsil Şurası ilə uzun illər səmərəli əməkdaşlıq edən Nəcməddin Mürvətov Respublika Təhsil Şurasının Siyəzən rayon filialının rəhbəri təyin olunub.

Sonra Respublika Təhsil Şurasının üzvləri zəngin ənənələrə malik olan 1 nömrəli tam orta məktəblə tanış olublar.

Respublika Təhsil Şurası İB-nin mətbuat və ictimaiyyətlə əlaqə mərkəzi

 

Mənbə: https://www.facebook.com/permalink.phpstory_fbid=120088500227166&id=108741758028507