Ramazan bayramı təbriki

 

İslamda ilin ayları arasında Ramazan (”on bir ayın sultanı”) ayı ən şəfaqətli və müqəddəs ay hesab edilir. Müqəddəs kitabımız Qurani-Kərimin nazil olduğu mübarək Ramazan ayı mənəviyyatı möhkəmləndirən, dini-mənəvi birlik duyğusunu gücləndirən, hər bir şəxsin daxili kamilliyinin formalaşmasına xidmət edən aylardan biridir. Ramazan bayramı insanları savab əməllərə dəvət edir, onları yer üzündə sülhün, əmin-amanlığın və qardaşlığın bərqərar olması naminə birgə səylər göstərməyə çağırır. Ümumbəşəri əhəmiyyətə malik bu bayram insana sonsuz iman sevgisi bəxş edir. Ramazan ayı əsrlər boyunca bəşər övladına dözüm, mərhəmət, Allahın yaratdıqları arasında münasibətlərdə xeyirxahlıq təlqin edir,   mili-mənəvi birlik, humanizm, səbr, dözüm, yardımsevərlik aşılayır. Bu il xalqımız Ramazan bayramını tamam başqa əhval-ruhiyyədə qeyd edir. Əzəli torpaqlarımızın düşmən tapdağından azad olunması üçün etdiyimiz dualar qəbul olundu. Haqq qalib gəldi, ədalət zəfər çaldı. Dünya müsəlmanlarının əziz günü - mübarək Ramazan bayramı münasibətilə sizləri səmimi qəlbdən təbrik edirəm.

Bayramınız mübarək!