Respublika Təhsil Şurasında

 

Respublika Təhsil Şurasının sədri Samir Mehdizadə, Şura sədrinin müavini, əməkdar müəllim Cəfər Bağırov, təşkilatın katibi Böyükağa Mikayıllı Şəki şəhərindəki zəngin ənənələrə malik, Azərbaycan təhsilinin inkişafında izi olan 190 yaşlı 5 nömrəli tam orta məktəblə tanış olublar. Qonaqlara məktəbin tarixi, onun keçdiyi inkişaf yolu, görkəmli məzunları, eləcə də məktəbin müasir dövrdə Azərbaycan təhsilindəki yeri, nailiyyətləri barədə məlumat verilib. Görüşdə Şəki Şəhər Təhsil Şöbəsinin müdiri Südabər İsmayılova və rayonun pedaqoji ictimaiyyətinin nümayəndələri iştirak ediblər.

Məktəblə tanışlıqdan sonra Şəkidə Respublika Təhsil Şurası İctimai Birliyinin filalının yaradılması ilə bağlı toplantı keçirilib. 1998-ci ildən – Təhsil Şurası yaranan vaxtdan Şuranın üzvü olan və onun fəaliyyətində daim yaxından iştirak edən Rəşad Rəşidov filialın rəhbəri təyin edilib. Şuranın Şəkidə həyata keçirəcəyi işlər müzakirə olunub. Toplantıda Azərbaycan Dövlət Pedaqoji Universitetinin Şəki filialının direktor müavini, pedaqogika üzrə fəlsəfə doktoru Nuralı Çələbiyev, 5 nömrəli tam orta məktəbin direktoru Filyar İbrahimova, Şəki Şəhər Təhsil Şöbəsinin metodisti Məmməd Qədirov iştrirak ediblər. 

Respublika Təhsil Şurasının Mətbuat və ictimaiyyətlə əlaqələr mərkəzi

https://www.facebook.com/permalink.php?story_fbid=115765733992776&id=108741758028507