Alimlər:Tutanhamonun zərgərlik məmulatları yerdən kənar tərkibə malikdir

Fironun məzarından tapılan sarı şüşə “kosmik qüvvələrin” müdaxiləsi olmadan Yer kürəsində əmələ gələ bilməzdi.

Misir fironu Tutanhamonun məzarından tapılan sarı şüşənin tərkibi Yerdəki hər hansı bir analoqdan fərqlidir. 2023-cü ildə elm adamları nanostruktur tədqiqatı apararaq, materialın kosmik mənşəli olduğunu müəyyən ediblər.

Dekorasiya üçün şüşə Böyük Qum dənizində minalanmışdır. Bu, Misirin qərbi ilə Liviyanın şərqi arasında yerləşən səhranın adıdır.

Qum dənizi nəhəngdir, 72.000 kvadrat kilometr ərazini əhatə edir.

Bu yerdə tapılan sarı şüşələr silisium, müxtəlif növ sirkonium oksidi və digər “yad” materiallarla zəngindir. Onların bəziləri yalnız yüksək temperaturda 2250 ilə 2700 Selsi dərəcə arasında formalaşa bilər.

Bəzi alimlər qumu əridən və qeyri-adi materialı əmələ gətirən ildırımdan danışırlar. Digərləri sarı şüşənin əmələ gəlməsini çöküntü və ya hidrotermal proseslərlə, həmçinin qədim vulkanların püskürməsi ilə əlaqələndirirdilər. Onların hamısı  səhv düşünmüşlər.

Yeni araşdırma qəribə materialın mənşəyinin sirrini açıb. Şüşə yerdən kənar obyektin - Yerə düşən meteoritin təsirindən əmələ gəlib. Zərbə o qədər güclü olub ki, alimlər bunu atom bombasının partlaması ilə müqayisə edirlər.

Rekord temperatur və təzyiqin təsiri altında Yerin səthi əriyib. Meteoritin hissələri qum və torpaqla qarışıb, sonra bərkiyib və sarımtıl rəngli gözəl şüşə əmələ gəlib.

Gizli otaqlar əvvəllər Misir piramidasında tapılmışdı. Müasir texnologiyalar, o cümlədən 3D lazer skanı mütəxəssislərə kömək etmişdir.

Mənbə:

https://hi-tech.mail.ru/news/104538-ukrasheniya-tutanhamona-imeyut-vnezemnoj-sostav/

Rus dilindən tərcümə:

Əsədov Seyyub Əsəd oğlu-Şirvan şəhər T. Bağırov adına 11 №-li tam orta məktəbin tarix müəllimi, “Ən yaxşı müəllim” müsabiqəsinin (2015-ci il), “Elektron Təhsil” Respublika Müsabiqəsi, “Təhsildə ən yaxşı İnternet resursları” nominasiyası qalibi (2017-ci il), Respublika “Pedaqoji Mühazirələr”inin (2003-cü il III dərəcəli Diplom və 2019-cu il Tərifnamə) təltifçisi, Təhsildə inkişaf və innovasiyalar üzrə IV qrant müsabiqəsinin (2020) qalibi (“V-XI siniflərdə tarix fənninin tədrisi metodikası” adlı metodik vəsait müəllifi).

Xülasə:

https://multiurok.ru/files/aliml-r-tutanhamonun-z-rg-rlik-m-mulatlari-yerd-n.html