2040-cı ilə qədər yer səthinin böyük bir hissəsi su altında qalacaq. Xəritəyə baxın.

 Söhbət demək olar ki, 12 milyon kvadrat kilometrdən gedir - bu, ABŞ və ya Çindən daha böyük  ərazidir.

2021-ci ildə İspaniyanın Geologiya və Mədən İnstitutundan olan beynəlxalq tədqiqatçılar qrupu 34 ölkədə 200 yerdə torpağın çökməsi ilə bağlı məlumat toplayıb. Təhlildən sonra alimlər yaxın gələcəkdə landşaft dəyişikliklərini əks etdirən model yaradıblar.

Nəticələr həyəcan vericidir: tendensiyalar dayanmadan davam edərsə, təxminən 12 milyon kvadrat kilometr ərazi tezliklə dəniz səviyyəsindən aşağıda qalacaq. Müqayisə üçün qeyd edək ki, ABŞ və Çinin ərazisi müvafiq olaraq təqribən 9,8 və 9,5 milyon kvadrat kilometr təşkil edir, halbuki Rusiyanın ərazisi 2040-cı ilə qədər torpaqların çökməsi proqnozlaşdırılandan cəmi 5 milyon kvadrat kilometr böyükdür.

Xəritədən göründüyü kimi, (Şəkil: Gerardo Herrera-Garcia et, al., Science) Cənubi Amerika, Afrika və Asiya sakinləri ən çox zərbə alacaqlar. 1,2 milyarddan çox insanın yaşadığı dünyanın ən böyük şəhərlərinin təxminən 22%-i landşaft dəyişiklikləri nəticəsində ciddi şəkildə zədələnə bilər. Əvvəllər təhlükəsiz hesab edilən ərazilər gələcəkdə daşqınlara daha həssas olacaq.

Bəşəriyyətin bu təhlükəli problemlə üzləşməsinin qarşısını almaq üçün beynəlxalq tədqiqatçılar qrupu hökumətləri təcili olaraq torpağın çökməsi ilə mübarizə tədbirləri hazırlamağa və onları qanunla təsdiq etməyə çağırır. Konkret olaraq, bura neft, qaz və digər faydalı qazıntıların çıxarılması proqramlarının tənzimlənməsi, həmçinin yeraltı su anbarlarının tükənməsi ilə mübarizə daxildir.

Mənbə:

https://hi-tech.mail.ru/news/52508-k-2040-godu-ogromnaya-chast-sushi-okazhetsya-pod-vodoy/

 Rus dilindən tərcümə:

Əsədov Seyyub Əsəd oğlu-Şirvan şəhər T. Bağırov adına 11 №-li tam orta məktəbin tarix müəllimi, “Ən yaxşı müəllim” müsabiqəsinin (2015-ci il), “Elektron Təhsil” Respublika Müsabiqəsi, “Təhsildə ən yaxşı İnternet resursları” nominasiyası qalibi (2017-ci il), Respublika “Pedaqoji Mühazirələr”inin (2003-cü il III dərəcəli Diplom və 2019-cu il Tərifnamə) təltifçisi, Təhsildə inkişaf və innovasiyalar üzrə IV qrant müsabiqəsinin (2020) qalibi (“V-XI siniflərdə tarix fənninin tədrisi metodikası” adlı metodik vəsait müəllifi).

https://multiurok.ru/files/2040-ci-il-q-d-r-yer-s-thinin-boyuk-bir-hiss-si-su.html