“2025–2026-cı tədris ili: yeniliklər və hədəflər”
mövzusunda keçirilən tədbirdə yeni dərs ilinin prioritet istiqamətləri, əsas hədəflər
və gözlənilən yeniliklərdən danışlıb.Təhsilin keyfiyyətinin yüksəldilməsi, müəllimlərin
peşəkar inkişafı, şagird nailiyyətlərinin artırılması və rəqəmsal
texnologiyaların tətbiqi bu tədris ilində
də diqqət mərkəzində olacaqdır. -Elm və təhsil naziri E.Əmrullayev-
2025 - 2026-cı tədris ili 39 həftədən ibarətdir.
Dərs ilinin başlanması ilə müəllimlər bir çox yeni
məsələlərlə üzləşirlər: dərslərə hazırlıq, dərs saatlarının səmərəli təşkili, dərslərin
gedişi və s. Hər dəfə sual yaranır: hansı mövzunu seçmək lazımdır ki, həm
müasir dövr üçün aktual, həm də maraqlı olsun?
Sizə “2025 - 2026-cı tədris ili üçün yaddaqalan
hadisələr və əlamətdar tarixlər təqvimi”ni təqdim etməkdən məmnunluq duyuram. Təqvim
mühüm dövlət, milli və dini bayramları (2026-cı ilin ramazan bayramı ilə növruz
bayramı üst-üstə düşdüyü üçün fərqli rənglərlə verilmişdir), eləcə də tarix və
mədəniyyətdə yaddaqalan hadisələri əhatə edir ki, bu da təhsil və tərbiyə işlərinin
planlaşdırılmasında sizə kömək olacaq.
Bu təqvim məktəblilərdə vətəndaşlıq mövqeyinin, mədəni
ənənələrə və ümumbəşəri dəyərlərə hörmətin inkişafına yönəlmiş tədbirlərin təşkilində
etibarlı köməkçi ola bilər.
Təqvimi çap edərək sinif otağında, müəllimlər
otağında, masanızın üstündə və ya sənədlərinizin arasında saxlaya bilərsiniz.
Beləliklə, siz qarşıdan gələn hadisələrə əvvəlcədən hazırlaşa və hər məktəb
gününü daha parlaq, mənalı edə biləcəksiniz.
Bilik gününüz mübarək, əziz müəllimlər!
Qoy yeni dərs ili sizə ilham, yaradıcılıq sevinci və şagirdlərinizin
minnətdar təbəssümlərini gətirsin. Sizə möhkəm cansağlığı, səbir və bol enerji
arzulayıram.
Hər məktəb gününüz yalnız məhsuldar deyil, həm də şagirdləriniz üçün
maraqlı və əyləncəli olsun! Uğurlar!
UNESCO Beynəlxalq Mərkəzinin nəzdində fəaliyyət göstərən Beynəlxalq Ədəbiyyat və Jurnalistika Akademiyası (МАЛiЖ) 