Şirvan şəhər 11№-li məktəb: qısa tarixçə (62 il) 40 il

 

“Mən müəllimdən yüksək ad tanımıram”. -Ulu Öndər  Heydər Əliyev-

“Hər bir millətin tərəqqi qapısı onun məktəbidir”. -Nəriman Nərimanov-

      Müəllim bütün fəaliyyəti dövründə öyrənməyə davam edir. O, başqa müəllimlərin təcrübəsindən, metodik ədəbiyyatdan çətin materialı izah etmək üçün maraqlı üsullar, orijinal dərs quruluşu, dərsdə problem-situasiyalar yaratmağa kömək edən suallar və s. seçir. Müşahidəçi müəllim, hər şeydən əvvəl, daha çox öz dərslərində öyrənir. O, praktikada özünü doğrultmuş iş üsullarını və tədris materiallarını öz “metodiki ehtiyatı”na daxil edir. Belə vasitələrin sayı çoxaldıqca müəllimin də metodiki ustalığı, məharəti artır. Tədrisə dair şəxsi və kollektiv  təcrübənin toplanması, mübadiləsi, istifadə edilməsi ona görə mümkündür ki, müxtəlif siniflərdə məzmun ilə təlim üsulları və onun təhsil-tərbiyə nəticələri arasında ümumi asılılıq meydana çıxır: metodik cəhətdən bir qaydada tədris edilən material, təxminən, oxşar bilik səviyyəsində olan məktəblilər tərəfindən az-çox eyni səviyyədə mənimsənilir və onlara, analoji təsir bağışlayır. Əlbəttə, eyni üsullar heç də həmişə oxşar nəticələrə gətirib çıxarmır. Dərsin gedişinə müəllim və şagirdlərin maddi, mənəvi və psixoloji vəziyyəti də təsir göstərir. Təcrübəli müəllim bu şərtlərin təsirini xüsusilə nəzərə almağa çalışmalıdır.

Müasir dövrün şagirdləri informasiyanı yenidən işləyib hazırlamağı və dərk etməyi bacarırlar. Mənimsənilən materialın həcmi, mənimsəmənin möhkəmliyi, tərbiyəvi  təsirinin gücü nəticə etibarilə təlim prosesində şagirdlərin tədris fəaliyyətinin xarakterindən, intensivliyindən, tarixi faktları dərk etməsindən asılıdır. Məktəbli təlim prosesində passiv dinləyici yox, prosesin fəal iştirakçısı olduqda faydalılıq artır. Yeni təhsil sistemi də şagirdlərdən bunu tələb edir. Şagirdlərin tədris fəaliyyətinə təlim prosesinin təşkilatçısı olan müəllim başçılıq edir. Onun dərs prosesində tətbiq etdiyi  bu və ya digər təlim priyomunun təsirliliyi öyrənilən materialdan, təlimin məqsədlərindən, şagirdlərin hazırlıq dərəcəsindən, maraqlarından, bacarıqlarından və s. asılıdır. Şirvan şəhər 11№-li məktəbin həmişə çox yaxşı, bilikli, peşəsini sevən, vətənpərvər pedaqoji heyəti olmuşdur. Onların əməyi danılmazdır.

İndiki Azərbaycan Respublikasının Milli Qəhrəmanı Tahir Əmnağa oğlu Bağırov (14 iyul 1957-11 oktyabr 1992) adına Şirvan şəhər 11 № -li tam orta məktəb 1962-ci ildən 1967-ci ilə qədər dördillik ibtidai məktəb kimi fəaliyyətə başlamışdır. 1968-ci ildə 8 illik məktəbə çevrilmiş, 1984-cü ildə isə orta məktəb kimi yeni binaya köçmüşdür. Məktəbin indiki binası 1984-cü ildə şagirdlərin və müəllimlərin tam istifadəsinə verilmişdir. Məktəbimiz 1992-ci il 11 oktyabrda gedən döyüşlərdə qəhrəmancasına həlak olmuş ölümündən sonra Azərbaycan Respublikası Prezidentinin 5 fevral 1993-cü il tarixli fəmanı ilə Azərbaycanın Milli Qəhrəmanı adı verilmiş gizir T. Bağırovun adını daşıyır. Tahır Əmnağa oğlu Bağırov Bakı şəhərində Şəhidlər Xiyabanında dəfn edilmişdir. Şirvan Şəhər İcra Hakimiyyəti başçısının 30.11.1994-cü il 256 nömrəli sərəncamı ilə Milli Qəhrəman Tahir Bağırovun adı 11 nömrəli tam orta məktəbə verilmişdir. 1996-cı ildə 11 №-li tam orta məktəbin həyətində T. Bağırovun büstü qoyulmuşdur.  Azərbaycan müstəqillik əldə etdikdən sonra Şirvan şəhər T.Bağırov adına tam orta məktəbin binası 2006-2007-ci tədris ilində Dünya Bankının vəsaiti hesabına tam və əsaslı təmir olunmuşdur. Şirvan şəhər T. Bağırov adına 11№-li tam orta məktəb 2005-ci ildə qrant layihəsinin qalibi olmuşdur.Şirvan şəhər T.Bağırov adına 11№-li tam orta məktəb Azərbaycan Respublikası Prezidenti cənab İlham Əliyevin 05 iyul 2010-cu il tarixli 997 nömrəli Sərəncamı ilə 2009-2010-cu tədris ilində keçirilmiş “50 ən yaxşı ümumtəhsil məktəbi” müsabiqəsinin qalibi olmuşdur. 2021-ci ildə şəhər icra hakimiyyəti başçısının qərarı ilə məktəbimiz cari təmir edilmişdir. Hazırda Şirvan şəhər T. Bağırov adına 11№-li tam orta məktəb yenidən əsaslı və bütövlükdə təmirə dayanmışdır. Təhsil Azərbaycan dilindədir. II xarici dil kimi rus və ingilis dilləri tədris olunur. Hazırda məktəbdə təqribən 1019 şagird təhsil alır və məktəbin işçi heyəti 113 nəfərdən ibarətdir. Məktəbin Azərbaycan dili və ədəbiyyatı müəllimi Həsənova  Aynurə magistr dərəcəsinə malikdir. 2023-2024-cü tədris ilində məktəbin fiziki tərbiyə müəllimi Babayev Nurəddin Təhsildə inkişaf və innovasiyalar üzrə VIII qrant müsabiqəsinin qalibi olmuşdur. Məktəbin tarix müəllimi Əsədov Seyyub Azərbaycan Respublikası Prezidentinin 21 dekabr 2015-ci il tarixli 1635 nömrəli Sərəncamı ilə 2014-2015-ci dərs ilində keçirilmiş “Ən yaxşı müəllim” müsabiqəsinin qalibi olmuşdur. 2017-ci ildə  “Elektron Təhsil” Respublika Müsabiqəsi, “Təhsildə ən yaxşı İnternet resursları” nominasiyası qalibi elan edilmişdir. Seyyub müəllim  Respublika “Pedaqoji Mühazirələr”inin (2003-cü il III dərəcəli Diplom və 2019-cu il Tərifnamə) təltifçisi, Təhsildə inkişaf və innovasiyalar üzrə IV qrant müsabiqəsinin (2020) qalibidir. “V-XI siniflərdə tarix fənninin tədrisi metodikası” adlı metodik vəsait müəllifidir.Məktəbimizin qabaqcıl müəllimlərindən sertifikasiya imtahanında yüksək bal toplayan müəllimlər:

İbtidai siniflər üzrə;

Sadıqova Lalə -58 bal, Feyzullayeva Zeynəb-55 bal, Şirinova Minayə-53 bal, Bağırova Ülkər və Quliyeva Vüsalə - 52 bal, Fatiyeva Ülkər isə - 50 bal. 

Azərbaycan dili və ədəbiyyatı üzrə;

Həsənova Aynurə və Ələkbərova Nuridə 53 bal toplamışlar.

Öz biliyi və təcrübəsi ilə seçilən daha neçə-neçə müəlimlərimizin zəhməti sayəsində məktəbimiz fəaliyyətini davam etdirir.

Məktəbin məzunları hər il qəbul imtahanlarından yüksək nəticə göstərirlər. 500-600 baldan yuxarı nəticə göstərənlərin sayına görə məktəb həmişə fərqlənir. Beləki, 2023-2024-cü tədris ilində XI sinif şagirdlərimiz - Dəmirov Adil (666,20), Həsənzadə Cavid (653,80), Bədirova Aytac (624,80), Babayeva Aynur (617,90), Əzizova Lamiyə (632,50) 600 - dən yüksək bal toplamışlar. 2023-2024-cü tədris ilində məktəbimizin ümumi orta təhsil səviyyəsini xüsusi nailiyyətlərlə başa vuran 2 nəfər IX sinif məzunu (Nəcəfova Zəhra, 9 A) və Novruzlu Yusif, 9 B) ümumi orta təhsil haqqında fərqlənmə attestatı, tam orta təhsili əla qiymətlərlə başa vuran 1 nəfər XI sinif məzunu (Dəmirov Adil,11 Peşə) tam orta təhsil haqqında fərqlənmə attestatı ilə məktəbi bitirmişlər.

Məktəbimizin  məzunları arasında daim fərqlənənlər olmuşdur.

Məzunlarımz arasında I və II Qarabağ müharibəsində  əziz canlarını Vətən yolunda qurban vermiş şəhidlərimiz də vardır:

Cəfərov Akif Xanoğlan oğlu (1966-1993)

Əliyev Tofiq Tərlan oğlu (1973-1997)

Ələkbərov Taleh Yaqubəli oğlu (1968-1994)

Əhədov Rafiq Müzəffər oğlu (1976-1998)

Hüseynov Bayram Rəhman oğlu (1974-1994)

Xəlilov Arif Səməd oğlu (1974-1994)

Rəsulov Məhəmməd Rəsul oğlu (1957-1992)

Səttarov Azad Şakir oğlu (1973-1993)

Səmədov Mərdan Nəcəf oğlu (1973-1993)

İtkin düşmüşdür:

Səmədov Taleh Şahbala oğlu (1975 -1994) (P.S. Güllücə kəndi 1994-cü il aprel ayının 16-da Ermənistan ordusu tərəfindən işğal olunub. 20 Noyabr 2020-ci il işğaldan azad olunub).

44 günlük Vətən müharibəsində qəhrəmancasına şəhid olan məzunlarımız:

Fərəcov Kamran İlqar oğlu (14.02.1996-29.10.2020)

Xəlilov Namiq İlyas oğlu (15.06.1992-17.10.2020)

Onların xatirəsi əbədi qəlblərdə yaşayacaqdır!  

“Məktəb tərbiyə və elm ocağıdır”.

Şirvan şəhər 11№-li tam orta məktəbə fəaliyyət göstərdiyi illərdə rəhbərlik etmişlər:

1) Salman Qəhrəmanov (1962-1968)

2) Ağasəf Rəcəbli (1968-1972)

3) Ərzuman Gülmalıyev (1972-1979)

4) Zülfi Cəfərov (1979-1986)

5) Mübariz Ağayev (1986-1991)

6) Alla Qurbanova (1991-1992)

7) Rəfiqə Əzizova (1992-1996)

8) Əhməd Məmmədov (1996-2004)

9) Seyyub Əsədov (2004-2005) məktəbə rəhbərlik etmişlər.

2005-ci ildən məktəbə Kamandar Rüstəmov rəhbərlik edir. Qeyd edim ki, Kamandar müəllim məktəbimizdə ən uzun müddət rəhbərlik edən müəllimdir. Əsl müəllim, bacarıqlı rəhbər və təşkilatçıdır.

     Məktəbimizin dünyasını dəyişən müəllimlərini hörmətlə yad edirik. Ruhları şad olsun!

Gəl, ey heykəltəraş! Bu mərmər, bu gil,

Düşün müəllimi, sonra alış, yan!

Onun heykəlini mərmərdən deyil,

Yarat özü kimi nurdan, işıqdan.

Dünyasını dəyişmiş müəllimlərimiz:

1. Ofeliya Babayeva

2. Balaqardaş Dadaşov

3. Aydın Abdullayev

4.Vaqif Nəcəfov

5.Şənhəyat Hüseynova

6.Sirac Alıyev

7.Yazgül Məlikova

8. Vəkil Quliyev

9.Rafiq Yusifov

10.Aqil Müslümov

11.Yasəmən Hüseynəliyeva

12.Məlikməhəmməd Həziyev

13.Sevil Hüseynova

14. Mirzalı Səfərov

15.Rəhimdil İbrahimov

16.Narıngül Həsənova

17.Cəmilə Hüseynova

18.Məryəm Manafova

19. Vüsalə Əbilova

20. Mehman Abasov

21. Sənubər Babayeva

22.Alimə Mirzəyeva

23.Səyalı Səttarova

24. Xatirə Zamanxanlı

25. Vera Kvitko

26. Raisa Babayeva

27. Mirəstə Nəcəfova

28. Zülfiyyə Hüseynova

29. Sabir Ələkbərov

Məktəbimizdə çalışmış hazırda təqaüddə olan müəllimlərimiz:

1.Məşruqə Şəbiyeva (Əliyeva). Qeyd etmək lazımdır ki, Məşruqə müəllimə 11 №-li 8 illik məktəbin ilk məzunu və məktəbdə müəllim kimi fəaliyyətə başlayan ilk məzun olmuşdur. Onu da vurğulayım ki, Məşruqə müəllimə məktəbin ilk məzunu və müəllim kimi pedaqoji fəaliyyət göstərən ilk müəllim kimi məktəbin tarixini və ilk direktorları  barədə məlumatların hazırlanmasında yaxından köməklik göstərmişdir. Buna görə Məşruqə müəllimə dərin təşəkkürümü bildirirəm. 

2.Gülzar İsmayılova

3.Firəngiz Şirəliyeva

4.Nazilə Mikayılova

5. Əntiqə Qafarova

6. Dürsədəf Səmədova

7. Yavər Xəlilova

S. Həlimə Xəlilova

9.Нәlimә Cəfərova

10. Şəfiqə Musayeva

11.Badam Ağayeva

12. Zərqələm İbadova

13, Səadət Xudiyeva

14, Azər Kazımov

15. İsmayıl Hacıyev

16. Məhəmməd Əhmədov

17. Abşur Abasov

18. Rzabala Namini

19. Akif İbişov

20. Saleh Əliyev (Saleh müəllim məktəbdə hərbi rəhbər, direktor müavini və uzun müddət fiziki tərbiyə müəllimi işləmişdir. Məktəbdə çoxdan işləyən müəllimlər haqqında məlumatların dəqiqləşdirilməsində yaxından köməklik etmişdir. Saleh müəllimə də öz təşəkkürümü bildirirəm). 

21. Badam Ağayeva

22.Yasəmən Hüseynova

23.Gülsurə Abdullayeva

24.Şəhla Əliyeva

25.Minə İsmayılova

26. Züleyxa Babayeva

27.Kifayət Ələkbərova

28. Adilə Cəbiyeva

29.Allahverdi Cəbiyev

30.Əlizadə Hüseynov

31.Fikrət Səmədov

32.Mirzəyar Qurbanov

33.Balaxanım Əliyeva

34. Lyudmila Qribova

35. Lyudmila Muradova

36. Gültəkin Dadaşova

2023-2024 cü tədris ilində məktəbdə şagird sayı 1019 nəfər, işçi heyəti sayı isə 113 nəfər olmuşdur.

İnanırıq ki, dövlətimizin və cənab prezidentimiz, Müzəffər Ali Baş Komandan İlham Əliyevin qayğısı nəticəsində Şirvan şəhər T. Bağırov adına 11№-li tam orta məktəbdə tezliklə təmir qurtaracaq və doğma məktəbimiz istifadəyə veriləcəkdir.

    Azərbaycanın Milli Qəhrəmanı Tahir Bağırov haqqında məlumatların dəqiqləşdirilməsində yaxından köməklik etdiyi üçün Şirvan şəhər icra hakimiyyətinin humanitar məsələlər üzrə müavini Aynur xanım Fərzəliyevaya xüsusi təşəkkür edirəm.

İstifadə edilmiş resurslar:

1.Qəhrəmanı” adı verilməsi haqqında:

Bağırov Tahir Əminağa oğlu - baş serjant - Azərbaycan Respublikasının

suverenliyi və ərazi bütövlüyünün qorunmasında, dinc əhalinin təhlükəsizliyinin

təmin edilməsində şəxsi igidlik və şücaət göstərdiyinə görə: Azərbaycan

Respublikası Prezidentinin Fərmanı, 5 fevral 1993- cü il //Azərbaycan

Respublikası Ali Sovetinin Məlumatı.- 1993.- №3.- S.11.- (Ölümündən sonra)

2.Maşallah Məftun. Əli Bayramlının Qarabağ ağrıları. Hərbi nəşriyyat. Bakı-1998

3.https://anl.az/down/amq.pdf

4.https://ru.wikipedia.org/wiki/Список_Национальных_героев_Азербайджана

5.https://ru.wikipedia.org/wiki/Ширван_(Азербайджан)

6.https://az.wikipedia.org/wiki/Tahir_Bağırov(gizir)

7.https://vetendas.az/tahir-bagirov/

8.https://ebooks.az/az/book/cF4SzQiG   Milli Qəhrəmanlar (Prezident kitabxanası)

9.https://bakimektebleri.edu.az/59/az/teachers/

10. https://bit.ly/3yJPCa0

11. http://multiurok.ru/seyyubasadov2/

12. https://sinxronfenler.blogspot.com/

Hazırladı:

Əsədov Seyyub Əsəd oğlu-Şirvan şəhər T. Bağırov adına 11 №-li tam orta məktəbin tarix müəllimi, “Ən yaxşı müəllim” müsabiqəsinin (2015-ci il), “Elektron Təhsil” Respublika Müsabiqəsi, “Təhsildə ən yaxşı İnternet resursları” nominasiyası qalibi (2017-ci il), Respublika “Pedaqoji Mühazirələr”inin (2003-cü il III dərəcəli Diplom və 2019-cu il Tərifnamə) təltifçisi, Təhsildə inkişaf və innovasiyalar üzrə IV qrant müsabiqəsinin (2020) qalibi (“V-XI siniflərdə tarix fənninin tədrisi metodikası” adlı metodik vəsait müəllifi).