Şirvan şəhər 11 saylı tam orta məktəbin Müstəqillik gününə həsr olunmuş tədbirdən

24 may 2024-cü il tarixində Şirvan şəhər 11№-li tam orta məktəbin “Tədbirlər Planı”na uyğun olaraq məktəbin Azərbaycan dili və ədəbiyyatı müəllimi İbrahimova Pərvinin təşkilatçılığı ilə Müstəqillik gününə (Müstəqillik Günü və ya köhnə adı ilə Respublika Günü - 1918-ci ildə müsəlman Şərqində ilk dünyəvi demokratik dövlət olan Azərbaycan Xalq Cumhuriyyətinin yarandığı gündür. 1990-cı ildən Respublika günü dövlət bayramı kimi qeyd edilir. 15 oktyabr 2021-ci ildən Respublika gününün adı dəyişdirilərək Müstəqillik Günü olmuşdur.) həsr olunmuş tədbir keçirildi. Tədbir Azərbaycan Respublikasının himni ilə başladı. Tədbirdə məktəbin direktoru Kamandar Rüstəmov giriş sözü ilə çıxış etdi və  bayram münasibətilə tədbir iştirakçılarını təbrik etdi. Tədbirdə görkəmli Azərbaycan ədibi İlyas Əfəndiyevin “Xurşudbanu Nətəvan” və “Həyatım mənim, həyətim mənim” komediyasından səhnəciklər göstərildi. Tamaşaları - məktəbin şagirdləri: Nəcəfova Zəhra, Nəcəfli Əli, Quliyev Eldar (9 A); Bünyatov Əli, Qurbanlı Şəhrizad, Feyzullayev Tural (9 B); Bəbirli Sədi (9 C); Əliyeva Mehriban və Nigar bacıları və Abbaszadə Yusif (8 B) məharətlə nümayiş etdirdilər. Məktəbin istedadlı musiqiçiləri 8 A sinif şagirdləri Məmmədli Murad və Əhədli Fərid (tar), 6 Ç sinif şagirdi Məlikov Nihad (kamança) və 6 Ç sinif şagirdi Şahmarlı Murad (qarmon) öz ustalıqlarını göstərdilər. Məktəbimizin 6 Ç sinif şagirdi gənc rəqqasə Abbasova Nuray milli rəqslə tamaşaçıları heyran qoydu.

Şagirdlərimizi səhnə geyimləri ilə təmin etdiyi üçün Şirvan şəhər Mədəniyyət Evinin müdiri Namini Nəmidə xanıma xüsusi minnətdarlıq.

#Şirvanşəhər11saylıtamortaməktəb #ŞirvanşəhərTəhsilSektoru   

#Şirvan-SalyanRTİ