Bu mötəbər
konfransda həmyerlimiz istedadlı tədqiqatçı jurnalist Böyükağa Mikayıllı da
iştirak etmişdir.
B.Mikayıllı
yazır: İsveçrənin Cenevrə şəhərində keçirilən “Müharibə dövründə uşaqların
taleyi” mövzusunda beynəlxalq konfrans başa çatdı. Konfransda Polşadan,
Yaponiyadan, Böyük Britaniyadan, Ukraynadan, Fransadan, Avstraliyadan, İsraildən,
İsveçrədən, Tunisdən, Hollandiyadan, Çexiyadan təhsil mütəxəssisləri, məktəb və
pedaqoji fikir tarixi tədqiqatçıları, müəllimlər, tələbələr iştirak edirdi.
Konfransa əsas təşkilatçılar olan Polşanın BMT yanındakı daimi nümayəndəliyi,
eləcə də mərkəzi ofisi Cenevrədə yerləşən Janusz Korczak Beynəlxalq
Assosiasiyası və İsraildə fəaliyyət göstərən Janusz Korczak Beynəlxalq Təhsil Mərkəzi
tərəfindən dəvət olunmuşdum. Konfransda maraqlı məruzələr, çıxışlar oldu.
Janusz Korczakın pedaqoji irsinin tədqiqi istiqamətində dünyada aparılan işlərin
hesabatları dinlənildi. Eləcə də dünyada uşaqların təlim-tərbiyəsi problemləri,
müharibələrin uşaqların təhsilinə, mənəvi tərbiyəsinə, psixikasına təsiri məsələləri təhlil olundu.
Mənbə:
UNESCO Beynəlxalq Mərkəzinin nəzdində fəaliyyət göstərən Beynəlxalq Ədəbiyyat və Jurnalistika Akademiyası (МАЛiЖ) 