Yer kürəsinin qızıl ehtiyatlarının nə qədəri hasil olunub və nə qədəri qalıb?

 

Qızıl qiymətli və çox arzu edilən bir resursdur. Bəs biz indiyə qədər Yer üzündə nə qədər qızıl hasil etmişik? Minilliklər boyu bəşəriyyət qızıl tapmaq ideyası ilə - istər zərgərlik məmulatları hazırlamaq, istər qabaqcıl elektron komponentlər yaratmaq, istərsə də sadəcə varlanmaq üçün məşğul olub. Planetimiz kifayət qədər əhəmiyyətli miqdarda qızıla malikdir, lakin bu günə qədər çıxarılan faktiki qızılın miqdarı yəqin ki, düşündüyümüzdən də çox azdır. Əgər indiyə qədər qazılaraq çıxarılmış bütün qızılları götürüb nəhəng bir kuba çevirsək, onun ölçüləri cəmi 23 kub metr (23x23x23) olar. Qızılın sıxlığını nəzərə alsaq bu kubun çəkisi 187.000 ton olardı. Ümumilikdə, təxminən 57.000 ton qızıl hələ də bütün dünya mədənlərdə hasil olunmağı gözləyir. Bu, potensial olaraq 20 il ərzində tamamlana biləcək bir işdir. Bundan əlavə, yeraltı və okean altında əhəmiyyətli qızıl ehtiyatları da mövcuddur. Lakin onların hasilatı çox baha başa gəlir və iqtisadi cəhətcə sərfəli deyil. Yerdən kənarda da qızıl hasilatı ehtimalı var. Ayda çöküntülərin tapılma ehtimalı, kosmosdakı saysız-hesabsız asteroidlərdə və s. Bununla belə, qabaqcıl kosmik texnologiya olmadan qızıl hasilatı çox güman ki, yaxın gələcək üçün elmi fantastika mövzusu olaraq qalacaqdır.

Mənbə: https://bit.ly/3qCiUDp

Rus dilindən tərcümə etdi:

Əsədov Seyyub Əsəd oğlu - Şirvan şəhər T. Bağırov adına 11 №-li tam orta məktəbin tarix müəllimi, “Ən yaxşı müəllim” müsabiqəsinin (2015-ci il), “Elektron Təhsil” Respublika Müsabiqəsi, “Təhsildə ən yaxşı İnternet resursları” nominasiyası qalibi (2017-ci il), Respublika “Pedaqoji Mühazirələr”inin (2003-cü il III dərəcəli Diplom və 2019-cu il Tərifnamə) təltifçisi, Təhsildə inkişaf və innovasiyalar üzrə IV qrant müsabiqəsinin (2020) qalibi (“V-XI siniflərdə tarix fənninin tədrisi metodikası” adlı metodik vəsait müəllifi).