Ən intellektli komandalar müəyyənləşib

 

Naxçıvan şəhərindəki Gənclər Mərkəzində yeniyetmələr arasında “Xəmsə” Milli İntellektual Oyunu üzrə muxtar respublika birinciliyinin final mərhələsi reallaşıb.  Gənclər və İdman, Təhsil nazirlikləri və “Gənclərin İntellektual İnkişaf Mərkəzi” İctimai Birliyi tərəfindən birgə təşkil olunan yarışmada şəhər və rayon mərhələlərinin qalibləri olmaqla 8 komanda iştirak edib.

Yekun nəticələrə əsasən, Kəngərli rayonunu təmsil edən “Qarabağ” komandası muxtar respublika birincisi adına layiq görülüb. Naxçıvanın “Çinar” komandası ikinci, Sədərək təmsilçisi “Dəmir Yumruq” isə üçüncü sırada qərarlaşıb.

Komandalar kubok, diplom, fəxri fərman və oxunması zəruri olan kitablarla təltif olunublar.

İntellektual oyunun keçirilmə məqsədi gənc nəslin dünyagörüşünü, zehni inkişafını stimullaşdırmaq, onlar arasında bilik və elmin nüfuzunu artırmaq, eləcə də asudə vaxtlarının səmərəli təşkili istiqamətində yeni üsullar tətbiq etməkdən ibarətdir.

Naxçıvan Muxtar Respublikası Gənclər və İdman Nazirliyinin mətbuat xidməti

#naxgin #gənclər #xəmsəmio #intellektualoyun

Mənbə: https://www.facebook.com/NaxcivanGIN/posts/5172548629527985

Şəkil: https://www.facebook.com/nilufer.rzayeva95