Respublika Təhsil Şurası İctimai Birliyinin Azərbaycan Respublikası QHT-lər Dövlət Dəstəyi Agentliyinin maliyyət yardımı ilə həyəta keçirdiyi “Şagirdin fərdi inkişafının idarə olunması” layihəsi nədən bəhs edir?

Dünyanın bir sıra ölkələrində tətbiq olunan bu layihə şagird şəxsiyyətinin hərtərəfli inkişafına yönəlib. Bu sistem pedaqogika, psixologiya, tibbi məlumatların emalı işinin təşkili sahələrində nəticələrin birləşməsindən ibarətdir. “Şagirdin fərdi inkişafının idarə olunması” sistemi müəyyən şərtlər daxilində “Adaptiv təhsil sistemi” də adlandırıla bilər. Sistem hər bir uşağın özünəməxsus şəkildə inkişaf etdiyini nəzərə alaraq onun fərdiləşmiş təlim və tərbiyəyə ehtiyac duyduğunu özündə ehtiva edir. Sistemdə təhsilalanların hər birinin obyektiv təhsil tələbatlarını ödəmək üçün onların təhsil ehtiyacları müəyyənləşdirilir. Sistemin prinsiplərinə əsasən şagird təhsil aldığı müddətdə hərtərəfli tibbi-psixoloji-pedaqoji diaqnostika edilir. Bu ehtiyacların faktiki təhlilinin aparılması və təhsil tsiklində şagirdin şəxsi inkişafını təmin edən fərdi tapşırıqlar müəyyənləşdirilir. Müəyyən vəzifələri yerinə yetirmək və müəllimlərin işini təşkil etmək üçün layihə metodu tətbiq edilir. “Şagirdin fərdi inkişafının idarə olunması” sistemi şagirdə fərdi yanaşmanın həyata keçirilməsinə imkan yaradan inteqrasiya edilmiş bir vasitədir. Bu sistem mövcud maliyyə, kadr, təşkilatçılıq baxımından zamana qənaət etməklə müəllimlərin işini asanlaşdırır.

 

Mənbə:

https://www.facebook.com/permalink.php?story_fbid=321313096771371&id=108741758028507