Respublika Təhsil Şurasının ictimaiyyətə müraciəti

Bəlli olduğu kimi, Nazirlər Kabineti yanında Operativ Qərargahın bu gün keçirilən toplantısında 15 sentyabr 2021-ci il tarixindən ölkəmizin orta ümumtəhsil məktəblərində dərslərin ənənəvi əyani qaydada başlanmasının nəzərdə tutulduğu qeyd edildi. Bu, təhsil sistemimiz, cəmiyyətimiz üçün olduqca əhəmiyyətli məsələdir. Bütün təhsil iştirakçıları – müəllimlər, təhsil işçiləri, valideynlər, məktəb rəhbərləri əyani dərslərin başlanması üçün zəruri olan vaksinasiya məsələsini diqqətdə saxlamalıdırlar. Əgər hər kəs bu prosesdə fəal iştirak edərsə, təhsil müəssisələrinin qapıları üzümüzə açılar, övladlarımızın əyani təhsil alması reallaşar, bir sözlə təhsil pandemiyadan öncəki ahəngi ilə davam edər. Odur ki, hər birinizdən bu mühüm çağırışa səs verməyinizi, ümumi mənafeyimizə xidmət edən vaksinasiya prosesinə ciddi yanaşmağınızı xahiş edirik.

Mənbə :  https://www.facebook.com/permalink.php?story_fbid=170294388539910&id=108741758028507