“V-XI siniflərdə tarix fənninin tədrisi metodikası” adlı layihənin icrası uğurla başa çatdı

15 iyun 2021-ci il tarixində saat 11.00-da Azərbaycan Respublikası Təhsil Nazirliyinin Təhsildə inkişaf və İnnovasiyalar üzrə IV qrant müsabiqəsi (fərdi kateqoriyası üzrə) qalibi “V-XI siniflərdə tarix fənninin tədrisi metodikası” adlı layihəsinin  yekunu ilə bağlı video konfrans keçirildi.

Layihənin Bağlanış mərasimində Azərbaycan Respublikası Təhsil Şurası İB-nin İdarə Heyyətinin katibi Böyükağa Mikayıllı, müəllimlərdən Nuranə Həmidova (Astara rayonu Ərçivan qəsəbə 3 saylı tam orta məktəb), Samirə Yolçuyeva, Aysel Nəcəfova (Şirvan şəhəri) və LDU-nun II kurs tələbəsi Zərifə Şəfiyeva iştirak etdilər.

  Onlayn görüşü layihə rəhbəri Seyyub Əsədov açaraq layihənin başlandığı vaxtdan sona qədər prosedurları təqdim etdi. Bildirdi ki, layihə ilkin mərhələdə - onlayn  video formatda ictimaiyyətə açıq elan olundu. Fəaliyyət planı hazırlandı. İcra planına uyğun olaraq işlərə başlanıldı. Beləki, metodik vəsaiti hazırlamaq üçün lazım olan ədəbiyyat, material və avadanlıqlar müəyyənləşdirilərək əldə edildi. Ədəbiyyat və sənədlər üzərində işlər aparılaraq lazımı qeydlər götürüldü. Metodik vəsaitin hazırlanması işinə başlanıldı və işlər ekspertiza mərhələsindən keçdikdən sonra nəşriyyata təqdim edildi və metodik vəsait çap edildi. Eynizamanda vəsaitin tanıdılması üçün istifadə ediləcək informativ plakat hazırlanması işi də həyata keçirildi. Metodik vəsait hazır olduqdan sonra müəyyən edilmiş məktəblərə paylanıldı və 2021-ci ilin aprel, may və iyun ayının əvvəlində müxtəlif məktəblərlə hazırlanmış vəsaitin tanıdılması istiqaməti ilə əlaqədar onlayn görüşlər təşkil edildi. Layihə çərçivəsində 265 ədəd “V-XI siniflərdə tarix fənninin tədrisi metodikası” adlı metodik vəsait, 10 ədəd informativ plakat çap olunaraq Bakı, Şirvan şəhərləri və Salyan, Biləsuvar rayonlarında fəaliyyət göstərən müəyyən ümumtəhsil məktəblərinə təqdim edilmişdir. Layihə çərçivəsində bir “HP” markalı notbook və bir “Canon” markalı printer alınmışdır. Konfransda iştirak edənlər layihə ilə bağlı öz təəssüratlarını bölüşdülər. Layihə 15 iyun 2021-ci il tarixində xoş və yaddaqalan təəssüratlarla başa çatdı. Layihə rəhbəri kimi layihənin həyata keçirilməsinə dəstək olduqları üçün ölkə başçımız Müzəffər Ali Baş Komandan, Prezidentimiz cənab İlham Əliyevə, Təhsil Nazirliyinə, IV qrant komandasına və əməyi keçən hər kəsə öz dərin minnətdarlığımı bildirdim.