videourok.net (multiurok.ru) da videodərs (test) baxış statistikası: şagird fəaliyyətinin ölçülməsi

Onlayn videodərslərdən istifadə edən hər hansı bir müəllim üçün bütün şagirdlərin onları diqqətlə izləyib-izləmədiyini bilməsi olduqca vacibdir. Bunu şəxsən yoxlamaq çətindir və şagirdlərində  sözlərinə tam inanmaq mümkün deyil.

Biz bunu nəzərə alaraq hər videodərsi (testi) izləyərkən bütün şagird hərəkətlərini qeyd edən bir monitorinq sistemi yaratdıq. Bu, müəllimlərə şagirdlərin videodərsə (və yaxud testlərə) necə maraq göstərdikləri barədə tam məlumata sahib olmağa imkan verir.

Videodərsin tam izləmə statistikasına baxmaq asandır. Bunu etmək üçün “Şagirdlər və təlim” → “Materiallar və nəticələr” bölməsinə keçin və təyin olunmuş video dərslərin mövzularının yanındakı “Nəticələrə bax” düyməsini sıxın.

Bu sizi videodərs statistikası səhifəsinə aparacaq və orada şagirdlərin siyahısını və onların izlədiyi videodərslərin və yaxud testlərin ümumi faizini görəcəksiniz. Məsələn, Əli Bünyatov (P.S. ad və soyad şərtidir) videodərsin (yaxud testin) yalnız 39%-ni izlədiyini görürük. Bu o deməkdir ki, o, hamısını izləməyib.

 Amma ən maraqlısı, “Ətraflı”  düyməsini sıxaraq onların hərəkətləri haqqında tam  statistikanı genişləndirməyimizdir. Bu, videodərsin (yaxud da testlərin) başlanğıcını və sonunu göstərir. Baxış sürəti, videonun geri çəkilib-çəkilməməsi, müəyyən hissələrin yenidən izlənilib-izlənməməsi və hətta dərsin səslə və ya səssiz izlənilib-izlənməməsi kimi detallar da aydın görünür.

Hər bir sütun videodərsin müddətinə bərabər bir zaman xəttidir. Kölgəli bölmələr şagird fəaliyyətini göstərən göstəricilərdir. Siçan üzərində (və ya sütun genişdirsə) siçan göstəricisini götürdüyünüzdə, faizlə ifadə edilən “baxış ehtimalı” göstəricisini görəcəksiniz.

Bu, şagirdin videodərsə baxma ehtimalını göstərir:

75-100% (yaşıl) şagirdlərin bütün dərsi izlədiyi deməkdir;

50-70% (sarı) şagirdlərin  yüksək sürətlə izlədiyi və ya bir az geri çəkdiyi deməkdir;

50%-dən az (qırmızı) şagirdlərin  çox güman ki, izləmədiyi deməkdir.

Yuxarıdakı nümunəni nəzərdən keçirin. Burada şagird videodərsə saat 11:42-də başladı, lakin görünür, onu daha tez bitirmək üçün saat 11:43-də ikiqat sürətlə (sarı sütun) izləməyə başlayıb. Saat 11:44-də o, hər şeyi bildiyinə qərar verdi və videodərsin (testin) demək olar ki, sonuna qədər irəlilədi (qırmızı sütunlar). Son yaşıl sütun bizə videonun (testin) qalan hissəsini (təxminən bir dəqiqə) diqqətlə izlədiyini göstərir.

Şagirdin videodərsə (testə) ümumi baxış faizini hesablayarkən, videonun (testin) hissələrinin təkrar izlənilməsini nəzərə almırıq və yalnız bütün videoda yaşıl və sarı hissələr olduqda videonun tam izlənilmiş hesab olunur.

Buna görə də bizim Əli Bünyatov ümumi mümkün izləyici sayının yalnız 39%-ni əldə edib ki, bu da müəllimə bütün videodərsə (testə) baxmadığını göstərir.

Bu, tipik bir ssenari deyil, çünki təyin olunmuş videodərslər (testlər) üçün hesablamaların və izləmə vaxtının bütün incəliklərini nümayiş etdirmək istədik. Şagirdin bu kimi videodərsdə (və ya testlərdə)  iştirak etməsi ehtimalı azdır. Adətən, bu kimi daha başa düşülən bir mənzərə görəcəksiniz.

Burada (1-ci sütun), şagirdin videodərsə (testə) saat 11:48-də baxmağa başladığını, bir az izlədiyini və sonra fasilə verdiyini görürük. Sonra (2-ci sütun), onlar “Play” düyməsini sıxırlar və dərsin (testin) sonuna qədər izləməyə davam edirlər.

Rahatlığınız üçün demək olar ki, hər bir elementdə siçanı kursor üzərinə gətirdiyiniz zaman görünən ipucular vardır. Bu, funksionallığın incəliklərini anlamağınızı asanlaşdırır.

Nəticədə, aşağıdakıları göstərəcək ətraflı baxış statistikası aləti əldə edəcəksiniz:

-Şagirdin videodərsə (testlərə) nə vaxt baxdığını.

-Hansı fraqmentlərin izlənildiyini və hansılarının buraxıldığını.

-Şagirdin yüksək sürətlə izləyib-izləmədiyini.

-Hansı fraqmentlərin təkrar izlənildiyini.

-Dərsin səslə və ya səssiz izlənildiyini...

Bu yolla, videodərsin (və ya testlərin) izlənildiyinə tam əmin ola bilərsiniz və şagirdlərinizin “fırıldaq” etmək şansı olmayacaqdır.

Ətraflı: https://bit.ly/3PnpfP5

Rus dilindən tərcümə:

Əsədov Seyyub Əsəd oğlu-Şirvan şəhər T. Bağırov adına 11 №-li tam orta məktəbin tarix müəllimi, “Ən yaxşı müəllim” müsabiqəsinin (2015-ci il), “Elektron Təhsil” Respublika Müsabiqəsi, “Təhsildə ən yaxşı İnternet resursları” nominasiyası qalibi (2017-ci il), Respublika “Pedaqoji Mühazirələr”inin (2003-cü il III dərəcəli Diplom və 2019-cu il Tərifnamə) təltifçisi, Təhsildə inkişaf və innovasiyalar üzrə IV qrant müsabiqəsinin (2020) qalibi (“V-XI siniflərdə tarix fənninin tədrisi metodikası” adlı metodik vəsait müəllifi).

İstinad:

https://multiurok.ru/files/videourok-net-multiurok-ru-d-d-rs-test-baxis-stati.html