Başqa dünyalara gedən yolda

Mixael Laytman yazır:

Amazon qurucusu Ceff Bezos Los-Ancelesdəki kosmos konfransında demişdi: “Kosmosa köçmək bizim seçə biləcəyimiz bir şey deyil. Bu, etməli olduğumuz bir işdir”. Mərhum astrofizik Stiven Hokinq də əvvəllər eyni fikri söyləmişdi.

Onun sözlərinə görə, bəşəriyyətin Yer kürəsindəki vaxtı sona çatır. Yalnız başqa planetlərə köçmək bəşəriyyətə yeni müharibələrin və bəşəriyyətin məhvinin qarşısını alan ümumi məqsəd verəcəkdir. Əgər buna amerikalı milyarder İlon Maskın bir milyon insanı Marsa köçürmək planlarını da əlavə etsək, qiyamət zamanı bizi nələrin gözlədiyinin təsvirini alarıq.

Bəs niyə kosmosa köçməliyik? Axı bizim kiçik planetimizdə geniş ərazilərdə çatışmazlıq yoxdur. Dünyada insanın ayaq basmadığı bir çox yerlər var və onlar yaşayış üçün əlverişlidir. Yer kürəmiz 200 milyarda qədər sakini yerləşdirə bilər, buna görə də əhalinin həddindən artıq çoxalması təhlükəsi yoxdur. Yerdəki iqlim isə bizim inkişafımız üçün ən əlverişlidir. Bir-birimizlə anlaşa bilmədiyimizə görə planetin yarısını məhv etdik, indi Qırmızı Planetlə də eyni şeyi etməyəcəyik?

Mən elmə qarşı deyiləm, əksinə, Ay və Marsdakı laboratoriyaların biliklərimizi zənginləşdirəcəyinə inanıram. Lakin kosmosun tədqiqi ilə bəşəriyyətin oraya köçürülməsi arasında böyük fərq var. Alimlərin proqnozlaşdırdığı və Hollivudun belə rəngarəng təsvir etdiyi planetimizdəki fəlakətin başqa planetdə də baş verməyəcəyinə heç bir zəmanət yoxdur.

...görək futuroloqların tutqun proqnozlarının gerçəkləşməsinin qarşısını almaq üçün nə etməliyik. Onda anlayacağıq ki, bəşəriyyəti özündən xilas etmək üçün bəzi alimlərin hesab etdiyi kimi kosmosa köçməyə ehtiyac yoxdur. Sadəcə aramızda yaxşı əlaqələr qurmağı öyrənməliyik.

.....Yerdəki varlığımızın müəyyən bir məqsədi olduğunu öyrənirik. Ona görə də başqa planetə köçmək bizim taleyimizi heç bir şəkildə dəyişməyəcək (P.S. Bu sözlərlə razıyam).

Ümumi Yaradılış planına görə, həqiqətən də başqa bir kainata doğru yolda olsaq da, bu kainat fiziki deyil. Bu, mənəvi ölçüdür və bir-birimizlə qəlbimizlə əlaqə qurmaq istəyi ilə yaranır. Bizdə belə bir arzu yarandıqda ətrafımızdakı kainatın “şəffaf” olduğunu hiss etməyə başlayırıq və onun vasitəsilə yeni reallığa nüfuz edirik.

Bu necə baş verə bilər? Təbiətin bütün hissələri mütləq harmoniya ilə qarşılıqlı əlaqədədir. Yalnız biz öz eqoizmimizlə bu sistemə nifaq salırıq. Biz harmoniyanı pozan mənfi qüvvə yaradırıq.

Ancaq eqoizmimizi dəf edə bilsək, aramızda yaxşı, müsbət əlaqələr yaratsaq, təbiətin ümumi müsbət qüvvəsinə uyğunlaşmağa başlayacağıq.  Bunun bizə necə kömək etməyə başladığını hiss edəcəyik. ...

Düzgün əlaqələr yaratmaq bizə yeni dərrakə və hamı üçün ümumi olacaq yeni hisslər bəxş edəcək. Maddi dünyanı ikinci dərəcəli hala gətirərək bizi doyduracaq. Əsas odur ki, bizim yeni, mənəvi dünyamız hiss olunacaq. Biz özümüzü yalnız maddi bədəndə mövcud kimi hiss etməyi dayandıracağıq. Bu varlıq zaman və məkandan kənarda, əbədi və sonsuz olacaq.

Məhz buna görə də ... (dərk edənlər) Bezos, Hokinq, Mask və digər bunlar kimi futuroloqlarla razılaşmırlar,... . ..Zohar kitabında bəşəriyyətin həyat və ölümdən üstün olan əbədi varlığa yüksəlməli olduğu yol təsvir edilmişdir. İstəsək də, istəməsək də hamımız bu yolla gedirik. Ona görə də Marsda həyatın olub-olmayacağı sualına belə cavab verəcəm:

“Xeyr, həyat yalnız aramızda olan əlaqədə mövcuddur” (P.S. M. Latymananın bu sözləri ilə də razıyam).

Mənbə: https://bit.ly/40a7WUp

Rus dilindən kiçik dəyişikliklərlə tərcümə etdi:

Əsədov Seyyub Əsəd oğlu-Şirvan şəhər T. Bağırov adına 11 №-li tam orta məktəbin tarix müəllimi, “Ən yaxşı müəllim” müsabiqəsinin (2015-ci il), “Elektron Təhsil” Respublika Müsabiqəsi, “Təhsildə ən yaxşı İnternet resursları” nominasiyası qalibi (2017-ci il), Respublika “Pedaqoji Mühazirələr”inin (2003-cü il III dərəcəli Diplom və 2019-cu il Tərifnamə) təltifçisi, Təhsildə inkişaf və innovasiyalar üzrə IV qrant müsabiqəsinin (2020) qalibi (“V-XI siniflərdə tarix fənninin tədrisi metodikası” adlı metodik vəsait müəllifi).