Canlı əfsanə: Vətən Müharibəsi Qəhrəmanı Mirdamət Bağıyev

 

      

Vətən Muharibəsi Qəhramanı mayor Mirdamət Bagiyev Qobustan rayon şəhid Mahir Kərimov adına Poladlı kənd tam orta məktəbində şagirdlərlə görüşü...Allah Müzəffər Ordumuzu qorusun!    

P.S. Mirdamət Bağıyev haqında ilk dəfə 22 dekabr 2020-ci il tarixində Sinxron Fənlər bolqumda (https://sinxronfenler.blogspot.com/2020/12/canl-fsan-vtn-muharibsi-qhrman-mirdamt.html)  məlumat paylaşmışdım. İndi isə canlı əfsanə, Vətən Müharibəsi Qəhrəmanı Mirdamət Bağıyevin təhsil aldığı kənd məktəbində vətəni özünə dogma bilən şagirdlərlə görüşündən Sail Ismayılov tərəfindən paylaşılmış videonu ixtiyarınıza verirəm:

Mirdamət Səristan oğlu Bağıyev (15 noyabr 1986, Şamaxı rayonu) Azərbaycan Silahlı Qüvvələrinin mayoru, Aprel döyüşlərinin və Vətən müharibəsinin qazisi, Vətən Müharibəsi Qəhrəmanı. Mirdamət Bağıyev 2016-cı il aprelin 1-dən 2-nə ötən gecədən başlayaraq Azərbaycan və Ermənistan Silahlı Qüvvələrinin bölmələri arasında cəbhənin Tərtər istiqamətində gedən şiddətli Aprel döyüşləri zamanı Ermənistan Ordusunun 7 ədəd tankını, 1 ədəd Piyadanın Döyüş Maşınını (PDM), 1 ədəd Komandir maşının və 1 ədəd hərbi nəqliyyat vasitəsini məhv eləmişdir. 2020-ci il sentyabrın 27-dən noyabrın 10-na qədər davam edən Vətən müharibəsi zamanı döyüşlərdə iştirak etmiş, düşmənin bir neçə hərbi texnikasını və canlı qüvvəsini məhv etmişdir. Göstərdiyi şücaətlərə görə ölkə başçısı tərəfindən təltif edilmişdir.

         Azərbaycan Respublikası Konstitusiyasının 109-cu maddəsinin 23-cü bəndini rəhbər tutaraq qərara alıram:

Azərbaycan Respublikasının ərazi bütövlüyünün bərpa edilməsində xüsusi xidmətlərinə və işğal olunmuş ərazilərin azad olunması zamanı düşmənin məhv edilməsi üzrə qarşıya qoyulmuş döyüş tapşırığını yerinə yetirərkən göstərdiyi qəhrəmanlıq nümunəsinə görə, həmçinin hərbi qulluq vəzifəsini yerinə yetirərkən igidlik və mərdlik nümayiş etdirmiş Azərbaycan Respublikası Silahlı Qüvvələrinin aşağıdakı hərbi qulluqçularına “Vətən Müharibəsi Qəhrəmanı” adı verilsin:…

Bağıyev Mirdamət Səristan oğlu - mayor

Mənbə: https://president.az/articles/48679

      O, sözün əsl mənasında canlı əfsanə - xalq qəhrəmanıdır.

Qısa məlumat: Bağıyev Mirdamət Səristan oğlu 1986-cı ildə Şamaxı rayonu Poladlı (Dağ-Kolanı) kəndində anadan olub. Orta məktəbin birinci sinifinə 1992-ci ildə anadan olduğu Poladlı (Dağ-Kolanı) kənd orta məktəbində qədəm qoyub. 2003-cü ildə həmin məktəbi bitirərək Heydər Əliyev adına Ali Hərbi Məktəbə qəbul olub. 2008-ci ildə Ali hərbi təhsilini yerüstü artilleriya ixtisası üzrə başa vuraraq, Azərbaycan Respublikasının Müdafiə Nazirliyinin Təlim Tədris Mərkəzində dinləyici təhsili almağa başlayıb. 2009-cu ildə Azərbaycan Silahlı Qüvvələrinin N saylı hərbi hissəsində xidmətə başlayıb. Ailəlidir, iki övladı var. …Döyüş zamanı ağır yaralanmasına baxmayaraq döyüşü davam etdirmiş, ancaq döyüş bitdikdən sonra tibbi yardıma müraciət etmişdir.

 Mirdamət Bağıyev: - Mən bir Azərbaycan zabiti kimi öz vəzifə borcumu dövlətimin ərazi bütövlüyünü tam təmin etdikdən sonra yerinə yetirmiş olacam. Bir sözlə, hər an, hər dəqiqə cənab Ali Baş Komandanın döyüş əmrini yerinə yetirməyə hazıram.

Məlumatların mənbəyi:

1.https://ordu.az/az/news/129911

2.https://az.wikipedia.org/wiki/ 3.https://az.wikipedia.org/wiki/Mirdam%C9%99t_Ba%C4%9F%C4%B1yev

4.https://www.facebook.com/watch/?v=4660645260629883

5. https://www.facebook.com/100018471704818/videos/1377798092686775/

 

İstinad:

https://sinxronfenler.blogspot.com/2020/12/canl-fsan-vtn-muharibsi-qhrman-mirdamt.html