Kəngərli rayonu: Uğurlar davamlı olsun

MÜXTƏLİF FƏALİYYƏT İSTİQAMƏTLƏRİ ÜZRƏ KEÇİRİLƏN TƏDBİRLƏRİN QALİBİ MÜƏYYƏNLƏŞİB

     2020-2021-ci tədris ilində ümumi təhsil sahəsində müəyyənləşdirilmiş prioritet fəaliyyət istiqamətlərinə uyğun olaraq, Kəngərli Rayon Təhsil Şöbəsi tərəfindən də təhsilin keyfiyyətinin yüksəldilməsi məqsədilə səmərəli fəaliyyət istiqaməti seçilib.

    Cari tədris ilində Kəngərli Rayon Təhsil Şöbəsinin təşkilatçılığı ilə ümumtəhsil məktəblərinin şagirdləri arasında 61 rayon birinciliyi səviyyəsində müxtəlif istiqamətli (bilik, olimpiada, idman, şahmat,  inşa, rəsm, şeir, dram) tədbirlər keçirilib və keçirilən tədbirlərdə 2531 şagirdin iştirakı təmin edilib.

    ​Tədris ili ərzində müxtəlif istiqamətlər üzrə tədbirlərin keçirilməsində məqsəd, şagirdlərin fənlər üzrə biliyini artırmaq və təkmilləşdirmək, məktəblilərin təhsilə marağını artırmaq və yeni biliklər qazandırmaq, intellektual səviyyəsini, bilik və məlumat bazasını möhkəmləndirmək, eləcə də asudə vaxtlarının səmərəli təşkili istiqamətində yeni üsullar tətbiq etmək, şagirdlər arasında sağlam rəqabət mühitini formalaşdırmaq, yaradıcı qabiliyyətlərinin reallaşdırılması üçün əlverişli şərait yaratmaq, habelə qoyulmuş problemlərin praktiki həllinə, yaradıcı yanaşma vərdişlərinin yaradılmasına dəstək verməkdən ibarət olub.

​    2020-2021-ci tədris ilində muxtar respublika və rayon birinciliyi səviyyəsində keçirilən müxtəlif istiqamətli tədbirlərdə iştirak edən Qıvraq qəsəbə tam orta məktəbi  bu gün Kəngərli Rayon Təhsil Şöbəsi rəhbərliyi tərəfindən “Ən fəal məktəb” nominasiyası üzrə diplomla təltif olunub. Belə ki, cari tədris ilində muxtar respublika və rayon birinciliyi səviyyəsində keçirilən tədbirlərdə iştirak edən Qıvraq qəsəbə tam orta məktəbinin şagirdlərindən 32-si I, 15-i II, 19-u isə III yerə layiq görülərək diplom, kubok və medallarla təltif olunublar.

https://www.facebook.com/profile.php?id=100017331401507